February 18, 2022
February 18, 2022
കുവൈത്ത് സിറ്റി : ഇന്ത്യയിൽ നിന്നുള്ള സജീവ ഭാരതീയ ജനതാപാർട്ടി അംഗങ്ങൾക്ക് കുവൈത്തിൽ പ്രവേശിക്കുന്നതിനു വിലക്ക് ഏർപ്പെടുത്തണമെന്ന് കുവൈത്ത് പാർലമന്റ് അംഗങ്ങൾ ആവശ്യപ്പെട്ടു. സാലിഹ് അൽ ദിയാബ് ഷലാഹി എം. പി. യുടെ നേതൃത്വത്തിലുള്ള 11 എം. പി. മാരാണ് ഈ ആവശ്യം ഉന്നയിച്ചു കൊണ്ട് സ്പീക്കർ മർസ്സൂഖ് അൽ ഘാനമിനു കത്ത് നൽകിയത്.
ഇന്ത്യയിലെ മുസ്ലിം ന്യൂന പക്ഷങ്ങൾ പീഢനം നേരിടുകയാണെന്ന് ആരോപിച്ച എം. പി. മാർ ഇത് അവസാനിക്കുന്നത് വരെ പ്രവേശന വിലക്ക് തുടരണമെന്നും പ്രസ്താവനയിൽ ആവശ്യപ്പെട്ടു. മുഹന്നദ് അൽ സായർ, ഒസാമ അൽ ഷാഹീൻ, മുബാറക് ഹജറഫ്, മർസ്സൂഖ് അൽ ഖലീഫ, ഒസാമ അൽ മുനവർ തുടങ്ങി പതിനൊന്ന് തീവ്ര ഇസ്ലാമിസ്റ്റ് എം. പി.മാരാണ് പ്രസ്താവനയിൽ ഒപ്പിട്ടത്.. ഇന്ത്യയിലെ ഹിജാബ് വിവാദവുമായി ബന്ധപ്പെട്ട് 22 കുവൈത്ത് പാർലമന്റ് അംഗങ്ങൾ കഴിഞ്ഞ ദിവസം പ്രസ്താവന പുറപ്പെടുവിച്ചിരുന്നു. ഇതിനു പുറമെ ബ്രദർ ഹൂഡ് ആഭിമുഖ്യ സംഘടനയായ ഇസ്ലാമിക് കോൺസ്റ്റിറ്റിയൂഷനൽ മൂവ്മെന്റിന്റെ നേതൃത്വത്തിൽ കഴിഞ്ഞ ബുധനാഴ്ച ഇന്ത്യൻ എംബസിക്ക് സമീപം ഹിജാബ് വിഷയത്തിൽ പ്രതിഷേധ പ്രകടനവും സംഘടിപ്പിച്ചിരുന്നു.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക