September 21, 2021
September 21, 2021
കുവൈത്ത് സിറ്റി: രാജ്യത്ത് മുന്കൂട്ടി രജിസ്റ്റര് ചെയ്യാത്തവര്ക്കും കോവിഡ് വാക്സിന് നല്കാനൊരുങ്ങി കുവൈത്ത് ആരോഗ്യമന്ത്രാലയം. വാക്സിനേഷന് കേന്ദ്രങ്ങളിലെത്തി സ്പോട്ട് രജിസ്ട്രേഷനിലൂടെ കുത്തിവെയ് പ്പ് എടുക്കുന്ന സംവിധാനമാണ് അധികൃതരുടെ ലക്ഷ്യം.
അതെ സമയം ആരോഗ്യമന്ത്രാലയത്തില് കോവിഡ് പ്രതിരോധ കുത്തിവെപ്പിനായി രജിസ്റ്റര് ചെയ്തവരില് 70 ശതമാനത്തിലേറെപേര് വാക്സിനേഷന് പൂര്ത്തിയാക്കിയിട്ടുണ്ട് . ആദ്യ ഡോസ് മാത്രം എടുത്തവര് 80 ശതമാനത്തിലേറെയാണ്.
രജിസ്റ്റര് ചെയ്ത മുഴുവന് പേരുടെയും കുത്തിവെപ്പ് പൂര്ത്തിയാകുന്ന മുറക്ക് ‘വാക് ഇന് ‘സംവിധാനത്തിലൂടെ മറ്റുള്ളവര്ക്ക് കൂടി വാക്സിന് നല്കാനാണ് ആരോഗ്യമന്ത്രാലയം നീക്കമിടുന്നത് .
വാക്സിന് രണ്ടാം ഡോസ് എടുക്കുന്നവര്ക്ക് മിഷ്രിഫ് വാക്സിനേഷന് കേന്ദ്രത്തില് മുന്കൂര് അപ്പോയന്മെന്റ് പരിഗണിക്കാതെ വാക് ഇന് ആയി കുത്തിവെപ്പ് നല്കുന്നുണ്ടെന്നാണ് വിവരം. ഫൈസറിന്റെ ആദ്യ ഡോസ് എടുത്തവര്ക്ക് 21 ദിവസവും ഓക്സ്ഫോര്ഡ് എടുത്തവര്ക്ക് 28 ദിവസവും പൂര്ത്തിയാക്കിയാല് മാത്രമാണ് രണ്ടാം ഡോസ് ലഭിക്കുക.
എന്നാല് ,അതോടൊപ്പം രാജ്യത്തെ താമസരേഖകളില്ലാത്ത വിദേശികള്ക്കും കുത്തിവെപ്പ് നല്കുന്നകാര്യം ആരോഗ്യമന്ത്രാലയം പരിഗണിക്കുന്നതായാണ് സൂചന.അതേസമയം, ഇത് എങ്ങനെ പ്രാവര്ത്തികമാക്കുമെന്ന ആശങ്കയും അധികൃതര്ക്കുണ്ട്
രാജ്യം സാമൂഹിക പ്രതിരോധം എന്ന ലക്ഷ്യത്തിലേക്ക് അടുക്കുമ്ബോഴാണ് താമസരേഖകളില്ലാത്ത ഒന്നരലക്ഷത്തോളം വിദേശികള് അധികൃതര്ക്ക് മുന്നില് വലിയ ചോദ്യചിഹ്നമായി നില്ക്കുന്നത്. അധികൃതരില്നിന്ന് ഒളിച്ചുകഴിയുന്ന ഇവര് വാക്സിന് സ്വീകരിക്കാന് മുന്നോട്ടുവരുമോ എന്നതാണ് അധികൃതരെ കുഴക്കുന്നത്.