April 04, 2022
April 04, 2022
കുവൈത്ത് സിറ്റി : രാജ്യത്തെ ഗാർഹിക തൊഴിലാളികൾക്കുള്ള മിനിമം വേതനം വർധിപ്പിക്കാൻ തീരുമാനിച്ചതായി മാനവശേഷി മന്ത്രാലയത്തിന്റെ പബ്ലിക് അതോറിറ്റി അറിയിച്ചു. നിലവിൽ 60 ദിനാറാണ് കുവൈത്തിൽ ഗാർഹിക തൊഴിലാളികൾക്കുള്ള മിനിമം വേതനം. ഇത് 75 ദിനാറാക്കി വർധിപ്പിക്കാനാണ് തീരുമാനിച്ചത്. ഗാർഹിക തൊഴിലാളികൾക്ക് ഏറ്റവും കുറവ് വേതനം നൽകുന്ന രാജ്യങ്ങളിൽ ഒന്നാണ് കുവൈത്ത്. 2015 ലെ നിയമം പ്രകാരമാണ് അടിസ്ഥാന ശമ്പളം 60 ദിനാറാക്കി നിശ്ചയിച്ചത്. കൃത്യമായ സമയത്ത് ശമ്പളം കൊടുക്കുന്നതിൽ വീഴ്ച വരുത്തിയാൽ തൊഴിലുടമയ്ക്ക് നേരെ നടപടികൾ സ്വീകരിക്കുമെന്നും അധികൃതർ വ്യക്തമാക്കിയിട്ടുണ്ട്.