September 08, 2021
September 08, 2021
കുവൈത്ത് സിറ്റി: മൂന്നുവര്ഷത്തില് കുറവുള്ള തടവുശിക്ഷ സ്വന്തം വീട്ടില് അനുഭവിക്കാന് കുവൈത്ത് ആഭ്യന്തര മന്ത്രാലയം അവസരമൊരുക്കുന്നു. വിളിപ്പുറത്ത് ഉണ്ടായിരിക്കണമെന്നും പുറത്തുപോകരുതെന്നുമുള്ള നിബന്ധനക്ക് വിധേയാമായാണ് ഈ അവസരം നല്കുക. ഇത് ഉറപ്പുവരുത്താനായി തടവുപുള്ളിയുടെ ദേഹത്ത് ഇലക്ട്രോണിക് വള അണിയിക്കും. ഇതുപയോഗിച്ച് അധികൃതര്ക്ക് നീക്കങ്ങള് നിരീക്ഷിക്കാന് കഴിയും.
ആശുപത്രിയില് പോകാന് ആഭ്യന്തര മന്ത്രാലയത്തിെന്റ ഒാപറേഷന് റൂമില് വിളിച്ച് അനുമതി വാങ്ങണം. വീട്ടില് സിഗ്നല് ജാമര് വെക്കരുത്. ഇലക്ട്രോണിക് വള ഒഴിവാക്കാനോ നശിപ്പിക്കാനോ ശ്രമിക്കരുത്. ഇങ്ങനെ ചെയ്താല് വേറെ കേസ് ചുമത്തുകയും വീണ്ടും ജയിലിലേക്ക് മാറ്റുകയും ചെയ്യും. അതേസമയം, ആര്ക്കുവേണമെങ്കിലും വീട്ടില് തടവുകാരനെ സന്ദര്ശിക്കാന് കഴിയും. കുടുംബാംഗങ്ങളുടെ അംഗീകാരപത്രം സഹിതം ജയില് അഡ്മിനിസ്ട്രേഷന് അപേക്ഷ സമര്പ്പിച്ച് പദ്ധതി പ്രയോജനപ്പെടുത്താം.
മാനുഷിക പരിഗണന വെച്ചും തടവുകാരെ നല്ല ജീവിതത്തിലേക്ക് മടങ്ങിവരാന് പ്രേരിപ്പിക്കാന് വേണ്ടിയുമാണ് ഇത്തരമൊരു പദ്ധതി അവതരിപ്പിക്കുന്നതെന്നും ഇതിന് പബ്ലിക് പ്രോസിക്യൂഷന് അനുമതി നല്കിയതായും ആഭ്യന്തര മന്ത്രാലയം അസിസ്റ്റന്റ് അണ്ടര് സെക്രട്ടറി മേജര് ജനറല് തലാല് അല് മഅറഫി പറഞ്ഞു. കഴിഞ്ഞ വര്ഷം നിര്ബന്ധിത ഹോം ക്വാറന്റീന് അനുഷ്ടിക്കുന്നുവെന്ന് ഉറപ്പാക്കാന് ഇലക്ട്രോണിക് വള ഉപയോഗിച്ചിരുന്നു. കുവൈത്തില് ജയില് അന്തേവാസികളുടെ ആധിക്യം സൃഷ്ടിക്കുന്ന പ്രശ്നം പരിഹരിക്കാന് സഹായിക്കുന്നതാണ് വീട്ടിലെ തടവ് പദ്ധതി. ഇതണിഞ്ഞയാള് നിശ്ചിത പരിധിക്ക് പുറത്തുപോയാല് ഉടന് ആഭ്യന്തര മന്ത്രാലയത്തിെന്റ ഒാപറേഷന് റൂമില് അറിയാന് കഴിയും.