January 09, 2022
January 09, 2022
കുവൈത്ത് സിറ്റി : കുവൈത്തിലുള്ള പ്രവാസികൾക്ക് തൊഴിലുടമയിൽ നിന്നും ലഭിക്കാനുള്ള വിരമിക്കൽ ആനുകൂല്യങ്ങൾ ലഭിക്കാൻ രാജ്യം വിടണമെന്ന നിബന്ധന എടുത്തുകളഞ്ഞതായി കുവൈത്ത് കോടതി. ഭരണംഘടനാ ലംഘനം ആണ് ഈ നിയമമെന്ന് തെളിഞ്ഞതോടെയാണ് നിബന്ധന റദ്ദാക്കിയതെന്ന് കോടതി അറിയിച്ചു. കുവൈത്ത് മാൻ പവർ അതോറിറ്റിയാണ് 2018 ൽ ഈ നിയമം പാസാക്കിയത്.
പ്രവാസികൾക്ക് ഏറെ പ്രയാസം സൃഷ്ടിച്ചിരുന്ന ഈ നിയമം ഒഴിവാക്കിയത് മലയാളികളടക്കം നിരവധി പേർക്ക് ആശ്വാസമാകും. എന്നാൽ, കുവൈത്തിലെ ഒരു മേഖലയിൽ നിന്നും മറ്റൊരു മേഖലയിലേക്ക് ഇഖാമ മാറ്റുക, വിസ ക്യാൻസൽ ചെയ്യുക തുടങ്ങിയ നടപടികൾക്ക് തൊഴിലാളികൾ ഉദ്യോഗസ്ഥർക്ക് മുന്നിൽ നേരിട്ട് ഹാജരാവണം. ആദ്യം ജോലി ചെയ്ത ഇടത്തുനിന്നും അവകാശപ്പെട്ട ആനുകൂല്യങ്ങൾ ലഭിച്ചിട്ടുണ്ട് എന്ന് ഉറപ്പുവരുത്താനാണ് ഈ നിബന്ധന. ഒപ്പം, തൊഴിൽ മാറുന്നവർ ക്ലിയറൻസ് സർട്ടിഫിക്കറ്റും ഹാജരാക്കണം.