April 02, 2020
April 02, 2020
കുവൈത്ത് സിറ്റി / മസ്കത്ത് : കുവൈത്തില്‍ 25 പേര്‍ക്കും ഒമാനിൽ 21 പേർക്കും കൂടി വ്യാഴാഴ്ച കോവിഡ് ബാധ സ്ഥിരീകരിച്ചു. ഇതോടെ കുവൈത്തിൽ രോഗബാധിതരുടെ എണ്ണം 342 ആയി. വ്യാഴാഴ്ചത്തെ ഒന്നടക്കം രോഗമുക്തി നേടിയവരുടെ എണ്ണം 81 ആയി. ബാക്കി 261 പേര് ചികിത്സയിലുണ്ട്. 15 പേരാണ് തീവ്രപരിചരണ വിഭാഗത്തിലുള്ളത്. വ്യാഴാഴ്ച കോവിഡ് സ്ഥിരീകരിച്ചവരില്‍ നാലുപേര്‍ ബ്രിട്ടനില്‍നിന്ന് വന്ന സ്വദേശികളാണ്.
ഫ്രാന്‍സില്‍നിന്ന് വന്ന ഒരു സ്വദേശിക്കും ഒരു ഫിലിപ്പീന്‍സ് പൗരനും രോഗം സ്ഥിരീകരിച്ചു. നേരത്തെ കോവിഡ് സ്ഥിരീകരിച്ചവരുമായി സമ്പർക്കം പുലര്‍ത്തിയ ഏഴ് ഇന്ത്യക്കാര്‍, ഒരു ബംഗ്ലാദേശി എന്നിവര്‍ക്കും നാട്ടില്‍നിന്ന് വന്ന ഒരു ഇന്ത്യക്കാരനും വൈറസ് സ്ഥിരീകരിച്ചു. ആറ് ഇന്ത്യക്കാര്‍, മൂന്ന് ബംഗ്ലാദേശികള്‍, ഒരു ഇൗജിപ്ഷ്യന്‍ എന്നിവര്‍ക്ക് കോവിഡ് വന്ന വഴി അന്വേഷിച്ചുവരുന്നു
ഒമാനില്‍ 21 പേര്‍ക്കാണ് ഇന്ന് (വ്യാഴം) കോവിഡ് സ്ഥിരീകരിച്ചത്. ഇതോടെ മൊത്തം വൈറസ് ബാധിതരുടെ എണ്ണം ഒമാനിൽ 231 ആയി ഉയര്‍ന്നു. നേരത്തേ രോഗബാധിതരായവരില്‍ 41 പേര് ഇതിനകം രോഗ മുക്തി നേടിയിട്ടുണ്ട്. ഒരു മരണവും ഇതിനകം ഒമാനിൽ രേഖപ്പെടുത്തിയിട്ടുണ്ട്.
മസ്കത്ത് മേഖലയില്‍ രോഗം കണ്ടെത്തിയവരുടെ എണ്ണം 169 ആയി ഉയര്‍ന്നു. ഇതില്‍ ഒരാള്‍ മരണപ്പെടുകയും 22 പേര് രോഗ മുക്തി നേടുകയും ചെയ്തു. 72കാരനായ സ്വദേശി വൃദ്ധനാണ് കഴിഞ്ഞ ദിവസം മരണപ്പെട്ടത്. ദാഖിലിയ മേഖലയില്‍ രോഗം കണ്ടെത്തിയ 20 പേരില്‍ പത്തുപേര്‍ സുഖപ്പെട്ടിട്ടുണ്ട്.
വടക്കന്‍ ബാത്തിനയിലെ രോഗികളുടെ എണ്ണം 18 ആയി ഉയരുകയും ചെയ്തു. രോഗത്തിെന്‍റ സാമൂഹിക വ്യാപനം തടയാന്‍ ലക്ഷയമിട്ടുള്ള സഞ്ചാര നിയന്ത്രണം മസ്കത്ത് മേഖലയില്‍ വ്യാഴാഴ്ചയും തുടരുകയാണ്. നിരത്തുകളെല്ലാം തന്നെ വിജനമാണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
