August 26, 2019
August 26, 2019
മസ്‌കത്ത് :ഒമാനിൽ തൊഴിൽ വിസയ്ക്ക് ഓൺലൈനിൽ അപേക്ഷിക്കാൻ സൗകര്യം ഒരുക്കുമെന്ന് റോയൽ ഒമാൻ പോലീസ് അറിയിച്ചു. നേരത്തെ സന്ദർശക വിസയ്ക്ക് മാത്രമാണ് ഈ സൗകര്യമുണ്ടായിരുന്നത്. ഇ–വീസാ സംവിധാനം തൊഴില്‍ വീസകൾക്കും ബാധകമാക്കാനാണ് തീരുമാനം.
www.evisa.rop.gov.om എന്ന വെബ്‌സൈറ്റില്‍ യൂസര്‍നെയിം, പാസ്‌വേഡ് എന്നിവ റജിസ്റ്റര്‍ ചെയ്ത് തൊഴിലുടമക്ക് ഓഫീസിൽ പോകാതെ തന്നെ വിസയ്ക്ക് അപേക്ഷിക്കാനുള്ള സൗകര്യമാണ് ഒരുക്കുന്നത്. പൊലീസ് വെബ്‌സൈറ്റ് സന്ദര്‍ശിക്കുന്നവര്‍ക്ക് ഇ-വിസ സംവിധാനത്തെ കുറിച്ച് കൂടുതല്‍ വിവരങ്ങള്‍ ലഭിക്കും.
