November 07, 2019
November 07, 2019
മസ്കത്ത് : ഒമാനിൽ തൊഴിൽ അവസരങ്ങൾ ഉണ്ടെന്ന് അറിയിച്ചുകൊണ്ട് സമൂഹ മാധ്യമങ്ങളിൽ വരുന്ന പരസ്യങ്ങളുടെ ആധികാരികത ഉറപ്പുവരുത്തണമെന്ന് റോയൽ ഒമാൻ പോലീസ് നിർദേശിച്ചു. തൊഴിലിനായി അപേക്ഷിക്കുന്നതിന് മുമ്പ് സ്ഥാപനത്തിൽ നിന്നോ ബന്ധപ്പെട്ട അധികൃതരിൽ നിന്നോ നിജസ്ഥിതി മനസിലാക്കിയിരിക്കണം. ഒമാനിൽ ഇന്ത്യക്കാരായ ഡോക്ടർമാരെയും നെഴ്സുമാരെയും ആവശ്യമുണ്ടെന്ന് അറിയിച്ചുകൊണ്ട് സമൂഹമാധ്യമങ്ങളിൽ വ്യാപകമായി പ്രചരിച്ച അറിയിപ്പ് വ്യാജമാണെന്ന് അന്വേഷണത്തിൽ കണ്ടെത്തിയതായും പോലീസ് പ്രസ്താവനയിൽ വ്യക്തമാക്കി. ഇതേത്തുടർന്നാണ് റോയൽ ഒമാൻ പോലീസ് ജനങ്ങൾക്ക് മുന്നറിയിപ്പ് നൽകിയത്.