October 07, 2021
October 07, 2021
ബോംബ് ഭീഷണിയെ തുടർന്ന് ജസീറ എയർവേയ്സിന്റെ വിമാനം തുർക്കിയിൽ അടിയന്തിരമായി ഇറക്കി. അൻപത്തൊന്ന് യാത്രക്കാരുമായി കുവൈറ്റിൽ നിന്നും പറന്നുയർന്ന വിമാനമാണ് ഭീഷണിയെ തുടർന്ന് തുർക്കിയിൽ ഇറക്കിയത്.
ഭീഷണി ലഭിച്ച ഉടനെ യാത്രക്കാരെ മുഴുവൻ പുറത്തിറക്കിയ സുരക്ഷാ സേന ലഗേജുകൾ അടക്കം പരിശോധിച്ചെങ്കിലും, സംശയാർഹമായ ഒന്നും കണ്ടെത്താൻ കഴിഞ്ഞില്ലെന്ന് വിമാനമിറക്കിയ ട്രാബ്സോൺ പ്രവിശ്യയിലെ ഗവർണർ ഇസ്മായിൽ ഉസ്റ്റോഗ്ലു വ്യക്തമാക്കി. സ്ഥിതിഗതികൾ കൃത്യമായി വിലയിരുത്തുന്നുണ്ടെന്നും യാത്രക്കാർക്ക് നേരിടേണ്ടി വന്ന പ്രയാസങ്ങളിൽ ഖേദിക്കുന്നതായും ജസീറ എയർവേയ്സ് അധികൃതർ അറിയിച്ചു.