September 12, 2021
September 12, 2021
എര്‍ബില്‍: വടക്കന്‍ ഇറാഖില്‍ എര്‍ബില്‍ അന്താരാഷ്‌ട്ര വിമാനത്താവളത്തിന് നേരെ ആക്രമണം. ഇറാഖിലെ അമേരിക്കന്‍ കോണ്‍സുലേറ്റിന് സമീപമാണ് ആക്രമണം നടന്നത് .ഡ്രോണുകള്‍ ഉപയോഗിച്ചാണ് സ്‌ഫോടനം നടത്തിയെതെന്നാണ് വിവരം. ആദ്യമായാണ് ഇവിടെ സായുധ ഡ്രോണുകള്‍ ഉപയോഗിച്ച്‌ ആക്രമണം നടത്തുന്നത.്
സ്‌ഫോടനത്തില്‍ ആളപായമില്ല. തുടര്‍ന്ന് സുരക്ഷാ സേന വിമാനത്താവളത്തിലേക്കുളള വഴികള്‍ അടച്ചു.2500 ഓളം അമേരിക്കന്‍-ഇറാഖ് സൈന്യമാണ് പ്രദേശത്താകെ വിന്യസിച്ചിരിക്കുന്നത്. കുര്‍ദിഷ് പ്രസിഡന്റ് നെച്ചിവര്‍വന്‍ ബര്‍സാനിയുടെ നേതൃത്വത്തിലുള്ള ഇറാഖി കുര്‍ദിസ്ഥാനിലെ സ്വയം ഭരണപ്രദേശത്തിന്റെ തലസ്ഥാനമാണ് എര്‍ബില്‍.
അതേ സമയം ആക്രമണത്തിന്റെ ഉത്തരവാദിത്വം ഏറ്റെടുത്ത് ഭീകരസംഘടനകളാരും മുന്നോട്ട് വന്നിട്ടില്ല. സ്‌ഫോടനത്തെ തുടര്‍ന്ന് രാജ്യമൊട്ടാകെ കനത്ത സുരക്ഷയാണ് ഏര്‍പ്പെടുത്തിയിരിക്കുന്നത്.ഇതിന് മുന്‍പ് ഇറാഖിലെ ബാഗ്ദാദിലെ വിമാനത്താവളം ലക്ഷ്യമാക്കി മൂന്ന ഡ്രോണുകള്‍ വന്നിരുന്നു.
