November 23, 2021
November 23, 2021
ഡൽഹി : ഹലാൽ ഭക്ഷണത്തെ ചൊല്ലിയുള്ള നിരവധി വിവാദങ്ങൾ കേരളത്തിൽ അരങ്ങേറിയിട്ടുണ്ട്. നോൺ ഹലാൽ ബോർഡ് വെച്ച ഹോട്ടലും മറ്റും മലയാളികൾക്കിടയിൽ വലിയ ചർച്ചാ വിഷയം ആയിരുന്നു. കേരളത്തിന്‌ പുറത്തും ഹലാൽ ഭക്ഷണത്തെ ചൊല്ലി ചർച്ചകൾ അരങ്ങേറാറുണ്ട്. ഇന്ത്യൻ ക്രിക്കറ്റ് അസോസിയേഷന്റെ പുതിയ പ്രസ്താവനയാണ് നിലവിൽ ഉത്തരേന്ത്യയിലെ ചർച്ചാവിഷയം. ഹലാൽ രീതിയിൽ അറുത്ത മാംസം മാത്രമേ ഭക്ഷിക്കാവൂ എന്ന് ഇന്ത്യൻ ടീം അംഗങ്ങളോട് ബിസിസിഐ നിർദേശിച്ചതായി ദേശീയമാധ്യമങ്ങൾ റിപ്പോർട്ട് ചെയ്തു.
ടീമിന്റെ ഫിറ്റ്നസ് സംരക്ഷിക്കാൻ വേണ്ടി നൽകിയ പുതിയ മാർഗനിർദ്ദേശങ്ങളിലാണ് ഹലാൽ ഭക്ഷണവും ഇടംപിടിച്ചത്. പന്നി, ബീഫ് തുടങ്ങിയ മാംസങ്ങൾ കഴിക്കരുത് എന്നും ബിസിസിഐ നിർദ്ദേശിച്ചു. അതേസമയം, ബിസിസിഐയുടെ നടപടിയിൽ പ്രതിഷേധം അറിയിച്ചുകൊണ്ട് നിരവധി പേരാണ് സമൂഹമാധ്യമങ്ങളിൽ അഭിപ്രായം രേഖപ്പെടുത്തിയത്. ഹിന്ദു മതത്തെ അവഹേളിക്കാനും, ഹലാൽ ഭക്ഷണത്തിന് പ്രചാരം നൽകാനുമാണ് ബിസിസിഐയുടെ നീക്കം എന്നാണ് ഒരുകൂട്ടർ ആരോപിക്കുന്നത്.
