March 07, 2022
March 07, 2022
കുവൈത്ത് സിറ്റി : അർദിയ കൂട്ടക്കൊലയിൽ ഇന്ത്യക്കാരനെ അറസ്റ്റ് ചെയ്തതായി പോലീസ് അറിയിച്ചു. രണ്ട് ദിവസങ്ങൾക്ക് മുൻപാണ് കുവൈത്ത് പൗരനെയും, ഭാര്യയെയും മകളെയും കഴുത്തറത്ത് കൊന്ന നിലയിൽ കണ്ടെത്തിയത്. മൃതദേഹങ്ങൾക്ക് നാല് ദിവസത്തെ പഴക്കമുണ്ടെന്നും പോലീസ് കണ്ടെത്തിയിരുന്നു. സി. സി.ടി.വി ദൃശ്യങ്ങൾ അടക്കം പരിശോധിച്ചാണ് പോലീസ് പ്രതിയെ പിടികൂടിയത്.
അഹ്മദ് (80), ഭാര്യ ഖാലിദ (50), മകൾ അസ്മ (18) എന്നിവരെ കൊലചെയ്ത കുറ്റത്തിനാണ് രണ്ട് ദിവസം കൊണ്ട് ഇന്ത്യക്കാരൻ പിടിയിലായത്. ഇയാളുടെ വ്യക്തിവിവരങ്ങൾ വെളിപ്പെടുത്തിയിട്ടില്ല. സാമ്പത്തികലാഭത്തിനായാണ് കൊലപാതകം ചെയ്തതെന്ന് പ്രതി കുറ്റസമ്മതം നടത്തിയതായി പോലീസ് അറിയിച്ചു. കൊല്ലണമെന്ന ഉദ്ദേശത്തോടെയാണ് ഇയാൾ അഹ്മദിന്റെ വീട്ടിലെത്തിയതെന്നും പോലീസ് കൂട്ടിച്ചേർത്തു. പ്രതിയെ വൈകാതെ വിചാരണ അടക്കമുള്ള തുടർനടപടികൾക്ക് വിധേയനാക്കും.