December 07, 2021
December 07, 2021
ബസ്ര : ഇറാഖിലെ ബസ്ര നഗരത്തിൽ ഉണ്ടായ സ്‌ഫോടനത്തിൽ നാല് പേർ കൊല്ലപ്പെട്ടു. നിരവധി ആളുകൾക്ക് പരിക്കേൽക്കുകയും ചെയ്തിട്ടുണ്ട്. സ്ഫോടനവസ്തുക്കൾ നിറച്ച ഒരു മോട്ടോർബൈക്ക് പൊട്ടിത്തെറിച്ചാണ് അപകടമുണ്ടായതെന്ന് ബസ്ര ഗവർണർ ആസാദ് അൽ ഈദാനിയെ ഉദ്ധരിച്ച് ഇറാഖി ന്യൂസ് ഏജൻസി റിപ്പോർട്ട് ചെയ്തു.
കൂടുതൽ അന്വേഷണം നടത്തിയതിന് ശേഷമേ സ്ഫോടനത്തിന്റെ കാരണം കണ്ടെത്താൻ കഴിയൂ എന്നും, പ്രാഥമിക പരിശോധന അനുസരിച്ച് മോട്ടോർബൈക്കാണ് അപകടകാരണം എന്നും പോലീസ് വൃത്തങ്ങൾ അറിയിച്ചു. നഗരത്തിലെ ഒരു പ്രാധാന ആശുപത്രിയുടെ സമീപത്തായി നടന്ന സ്‌ഫോടനത്തിൽ ഒരു വാഹനത്തിന് തീ പിടിക്കുകയും, ഒരു മിനി ബസ്സിന് കേടുപാടുകൾ സംഭവിക്കുകയും ചെയ്തതായി റോയിട്ടേഴ്‌സ് റിപ്പോർട്ട് ചെയ്തു.
