December 29, 2019
December 29, 2019
റിയാദ് : സൗദി അതിർത്തി നഗരമായ നജ്റാനിൽ മിസൈൽ ആക്രമണം നടത്തിയതായി ഹൂതികൾ അവകാശപ്പെട്ടു. ബാലിസ്റ്റിക് മിസൈൽ ഉപയോഗിച്ച് നടത്തിയ ആക്രമണത്തിൽ 10 ലേറെ പേർ മരിച്ചതായും നിരവധി സൈനികർക്ക് പരിക്കേറ്റതായും തുർക്കിയിലെ അനദോലു ന്യൂസ് ഏജൻസി റിപ്പോർട്ട് ചെയ്തു. ഹൂതി വക്താവ് മുഹമ്മദ് അബ്ദുൽ സലാം ട്വിറ്റർ വഴിയാണ് ഇക്കാര്യം അറിയിച്ചതെന്നും റിപ്പോർട്ടിൽ പറയുന്നു.
സെപ്റ്റംബറിൽ ഹൂതികൾ ഏകപക്ഷീയ വെടിനിർത്തൽ പ്രഖ്യാപിച്ചതിന് ശേഷമുള്ള ആദ്യ ആക്രമണമാണിത്. ഐക്യരാഷ്ട്രസഭയുടെ കണക്കുകൾ പ്രകാരം 2016 മുതൽ തുടരുന്ന രൂക്ഷമായ ആഭ്യന്തര കലാപത്തിൽ ഇതുവരെ 70,000 ൽ അധികം ആളുകൾ കൊല്ലപ്പെട്ടിട്ടുണ്ട്.