January 24, 2022
January 24, 2022
റിയാദ് : ഇന്ത്യക്കാരടക്കം മൂന്ന് പേരുടെ മരണത്തിനിടയാക്കിയ അബുദാബി ആക്രമണത്തിന് പിന്നാലെ, സൗദിക്ക് നേരെയും ഹൂത്തികളുടെ ആക്രമണം. വ്യവസായ മേഖലയായ അഹമ്മദ് അൽ മസരിഹയെ ലക്ഷ്യമാക്കി രണ്ട് ഡ്രോണുകളാണ് ഹൂത്തികൾ അയച്ചത്. ഇവയെ കൃത്യമായ ഇടപെടലിലൂടെ നിഷ്ക്രിയമാക്കാൻ സഖ്യസേനയ്ക്ക് കഴിഞ്ഞെങ്കിലും, രണ്ട് പ്രവാസികൾക്ക് സംഭവത്തിൽ പരിക്കേറ്റു.
പുലർച്ചെ 4:30 നാണ് രണ്ട് ബാലിസ്റ്റിക്ക് മിസൈലുകൾ സൗദിയെ ലക്ഷ്യമാക്കി എത്തിയത്. റഡാറുകളുടെ സഹായത്തോടെ ഇവയെ കണ്ടെത്തിയ സഖ്യസേന, ആകാശത്ത് വെച്ചുതന്നെ ഇവ തകർത്തു. മിസൈലിന്റെ അവശിഷ്ടങ്ങൾ വീണാണ് രണ്ടുപേർക്ക് പരിക്കേറ്റത്. സംഭവത്തിന് പിന്നാലെ സുരക്ഷ ഉറപ്പാക്കാനുള്ള നടപടികൾ സ്വീകരിച്ചതായി ആഭ്യന്തരമന്ത്രാലയം അറിയിച്ചു.