January 29, 2022
January 29, 2022
കുവൈത്ത് സിറ്റി : കുവൈത്തിലെ അർദിയയിൽ വീടിന് തീപിടിച്ച് വീട്ടുജോലിക്കാരി മരിച്ചു. തീപ്പിടുത്തത്തെ തുടർന്ന് വീടിനുള്ളിൽ കുടുങ്ങിപ്പോയ മാതാവിനെയും മൂന്ന് മക്കളെയും അഗ്നിശമന സേനാംഗങ്ങൾ രക്ഷിച്ചു. ഗുരുതരമായി പൊള്ളലേറ്റ വീട്ടുജോലിക്കാരി ആശുപത്രിയിൽ വെച്ചാണ് മരണത്തിന് കീഴടങ്ങിയത്. വീടിന് തീപിടിച്ചതായി സെൻട്രൽ ഓപ്പറേഷൻസ് റൂമിൽ നിന്നും വിവരം ലഭിച്ച ഉടനെ അർദിയ, ജലീബ് അൽ ശുയൂഖ് എന്നിവിടങ്ങളിലെ ഫയർ സെന്ററുകൾ അപകടസ്ഥലത്ത് എത്തിയതായി ജനറൽ ഫയർ ബ്രിഗേഡ് പബ്ലിക് റിലേഷൻ വിഭാഗം അറിയിച്ചു. രക്ഷാപ്രവർത്തനദൗത്യത്തിനിടെ ഒരു അഗ്നിശമന സേനാംഗത്തിനും പൊള്ളലേറ്റതായി അധികൃതർ അറിയിച്ചു. അപകടത്തിന്റെ കാരണം ഇതുവരെ കണ്ടെത്താൻ കഴിഞ്ഞിട്ടില്ല.
