June 30, 2021
June 30, 2021
കുവൈത്ത് സിറ്റി:രാജ്യത്തിന്റെ ആഭ്യന്തരകാര്യങ്ങളില് ഇടപെടുകയോ ഹാനികരമായ പെരുമാറ്റുണ്ടാവുകയോ ചെയ്താല് ഏതു വിദേശിയെയും ഉടന് നാടുകടത്തുമെന്ന് കുവൈത്ത് ആഭ്യന്തരന്ത്രി. കുവൈറ്റ് നഗരത്തിലെ ഇറാദ സ്ക്വയറില് നടന്ന പ്രതിഷേധ റാലിയില് പങ്കെടുക്കുകയും സര്ക്കാര് തീരുമാനങ്ങള് ദുരുപയോഗം ചെയ്യുകയുമുണ്ടായ പശ്ചാത്തലത്തില് പ്രതിയായ വിദേശിയെ നാട് കടത്താന് മന്ത്രി ഉത്തരവ് പുറപ്പെടുവിച്ചത് പ്രാദേശിക പത്രം റിപ്പോര്ട്ട് ചെയ്തു.
പൊതുതാല്പര്യത്തിനും സുരക്ഷയ്ക്കും ധാര്മ്മികതയ്ക്കും വിരുദ്ധമായി പ്രവര്ത്തിക്കുന്ന വിദേശികളെ ഉടനടി നാടുകടത്തുമെന്നാണ് ആഭ്യന്തരമന്ത്രി ശൈഖ് തമര് അല് അലി ഉത്തരവിട്ടത്. അനധികൃത ഒത്തുചേരലുകളില് പങ്കെടുക്കുകയോ കുവൈത്തിന്റെ ആഭ്യന്തര കാര്യങ്ങളില് ഇടപെടുകയോ ചെയ്യുന്ന ഏതൊരു താമസക്കാരനും നടപടി നേരിടേണ്ടിവരുമെന്ന് അധികൃതരും വ്യക്തമാക്കിയിട്ടുണ്ട്.