September 09, 2019
September 09, 2019
ബെയ്റൂത്ത്: ഹിസ്ബുല്ല മുന് നേതാവിനെ മരിച്ച നിലയില് കണ്ടെത്തിയതായി വാർത്താ ഏജൻസികൾ റിപ്പോർട്ട് ചെയ്തു. ഹിസ്ബുല്ലയുടെ മുതിര്ന്ന നേതാക്കളില് ഒരാളായിരുന്ന ശൈഖ് അലി ഹാതൂമിനെയാണ് ബെയ്റൂത്തിലെ സ്വവസതിയില് മരിച്ച നിലയില് കണ്ടെത്തിയത്.
നഗരപ്രാന്തത്തിലെ ബൂര്ജ് അല്ബരാജ്നഹിലാണു സംഭവം. പൊലീസ് സ്ഥലത്തെത്തി അനുബന്ധ നടപടികള് ആരംഭിച്ചിട്ടുണ്ട്. സംഭവത്തില് അന്വേഷണം ആരംഭിച്ചതായി സുരക്ഷാ ഉദ്യോഗസ്ഥര് അറിയിച്ചതായി ദേശീയ വാര്ത്താ ഏജന്സി റിപ്പോര്ട്ട് ചെയ്തു. മരണകാരണം അറിവായിട്ടില്ല.
അലി ഹാതൂമിന്റെ മരണം ഹിസ്ബുല്ല വൃത്തങ്ങളും സ്ഥിരീകരിച്ചിട്ടുണ്ട്. നേരത്തെ സൈനിക ചുമതലയിലുണ്ടായിരുന്ന അലി കഴിഞ്ഞ രണ്ടു വര്ഷമായി ഈ പദവിയില്നിന്നു മാറിനിന്നതായി റിപ്പോര്ട്ടുണ്ട്. അതേസമയം, ഇദ്ദേഹം സംഘടനാ ഭരണകാര്യ ചുമതലയില് തുടര്ന്നതായും ചില റിപ്പോര്ട്ടുകള് സൂചിപ്പിക്കുന്നു.