December 19, 2020
December 19, 2020
അങ്കാറ: തുര്ക്കിയുടെ തെക്കു കിഴക്കന് പ്രവിശ്യയായ ഗസിയാന്ടെപ്പിലെ സ്വകാര്യ ആശുപത്രിയിലുണ്ടായ തീപിടിത്തത്തില് എട്ട് കൊവിഡ് രോഗികള് വെന്ത് മരിച്ചു. തുര്ക്കി സമയം പുലര്ച്ചെ 4:45 ഓടെയായണ് അപകടം ഉണ്ടായത്.
സാന്കോ യൂണിവേഴ്സിറ്റി ആശുപത്രിയിലാണ് തീപിടിത്തം ഉണ്ടായത്. കൊവിഡ് രോഗികളെ ചികിത്സിക്കാന് ഉപയോഗിക്കുന്ന ഹൈ-ഫ്ളോ ഓക്സിജന് തെറാപ്പി മെഷീനില് നിന്നാണ് ഐ.സി.യുവിലേക്ക് തീ പടര്ന്നതെന്ന് യൂണിവേഴ്സിറ്റി പ്രസ്താവനയിലൂടെ അറിയിച്ചു.
ഏഴ് കൊവിഡ് രോഗികള് സംഭവസ്ഥലത്തു വച്ച് തന്നെ മരിച്ചു. മറ്റൊരു ആശുപത്രിയിലേക്ക് കൊണ്ടുപോകുന്നതിനിടെയാണ് എട്ടാമത്തെ രോഗി മരിച്ചത്. മരിച്ച എല്ലാവരും 56 നും 85 നും ഇടയില് പ്രായമുള്ളവരാണ്.
തീപിടിത്തമുണ്ടായി ഉടന് തന്നെ പൊലീസും അഗ്നിശമനസേനയും ആശുപത്രിയിലെത്തി തീ നിയന്ത്രണവിധേയമാക്കി. സംഭവത്തെ കുറിച്ച് അന്വേഷണം ആരംഭിച്ചതായി യൂണിവേഴ്സിറ്റി അറിയിച്ചു.
അതേ സമയം, തീപിടിത്തത്തില് ആര്ക്കും പരുക്കേറ്റിട്ടില്ലെന്ന് ഗസിയാന്ടെപ്പ് ഗവര്ണര് വ്യക്തമാക്കി. സാന്കോ യൂണിവേഴ്സിറ്റി ആശുപത്രിയിലെ ഐ.സി.യുവില് ചികിത്സയിലുണ്ടായിരുന്ന 11 കൊവിഡ്-19 രോഗികളെ വിവിധ ആശുപത്രികളിലേക്ക് മാറ്റിയതായും പ്രാദേശിക ഭരണകൂടം പ്രസ്താവനയില് പറഞ്ഞു.
'ബന്ധപ്പെട്ട ഉദ്യോഗസ്ഥര് സംഭവസ്ഥലത്തെത്തി അന്വേഷണം തുടരുകയാണ്. തീപിടിത്തത്തില് ജീവന് നഷ്ടപ്പെട്ട ഞങ്ങളുടെ എല്ലാ പൗരന്മാരോടും അള്ളാഹു കരുണ കാണിക്കട്ടെയെന്ന് പ്രാര്ത്ഥിക്കുന്നു. അവരുടെ ദുഃഖിതരായ കുടുംബാംഗങ്ങളെ അനുശോചനം അറിയിക്കുന്നു.' -ഗസിയാന്ടെപ്പ് ഗവര്ണര് പ്രസ്താവനയില് പറഞ്ഞു.
ന്യൂസ് റൂം ഫേസ്ബുക്ക് പേജ് ലൈക്ക് ചെയ്യാനായി ഇവിടെ ക്ലിക്ക് ചെയ്യുക.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യുക.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യുക.