April 13, 2022
April 13, 2022
കുവൈത്ത് സിറ്റി : കുവൈത്തിൽ കാർപാർക്കിങ് സ്ഥലത്തെ വൈദ്യുതി കണക്ഷൻ ചോർത്തിയെടുത്ത് തയ്യൽ ജോലികൾ ചെയ്ത പ്രവാസി പിടിയിൽ. പബ്ലിക് അതോറിറ്റി ഫോർ അപ്ലൈഡ് എജുക്കേഷൻ ആൻഡ് ട്രെയിനിങ്ങിന് വേണ്ടി നൽകിയിട്ടുള്ള കണക്ഷനിൽ നിന്നാണ് ഇയാൾ വ്യക്തിഗത ആവശ്യങ്ങൾക്ക് വൈദ്യുതി ഉപയോഗിച്ചത്.
അധികൃതർ ചോദ്യം ചെയ്തപ്പോൾ, തനിക്കിതിനുള്ള അനുമതി ലഭിച്ചിട്ടുണ്ട് എന്ന വിചിത്രവാദമാണ് ഇയാൾ ഉന്നയിച്ചത്. ഇയാൾ ഏത് രാജ്യക്കാരനാണ് എന്നതടക്കമുള്ള വിവരങ്ങൾ പുറത്തുവിട്ടിട്ടില്ല. അദൈലിയയിൽ നടന്ന സംഭവം പ്രാദേശിക മാധ്യമങ്ങൾ വാർത്തയാക്കുകയായിരുന്നു.
