March 15, 2022
March 15, 2022
കുവൈത്ത് സിറ്റി : മഹ്ബുല പ്രദേശത്ത് നിന്നും വൻ മദ്യശേഖരം സഹിതം പ്രവാസി അറസ്റ്റിലായി. ഇറക്കുമതി ചെയ്ത 511 കുപ്പി മദ്യമാണ് ഇയാളിൽ നിന്നും പോലീസ് പിടിച്ചെടുത്തത്. ഒപ്പം, വലിയ അളവിലുള്ള പണവും ഇയാളിൽ നിന്നും കണ്ടെടുത്തിട്ടുണ്ടെന്ന് മഹ്ബുല പോലീസ് അറിയിച്ചു.
പ്രദേശത്ത് മദ്യവില്പന നടക്കുന്നതായി രഹസ്യവിവരം ലഭിച്ചതിനെ തുടർന്ന് നടത്തിയ പരിശോധനയിലാണ് ഇയാൾ പിടിയിലായത്. അതേസമയം, ഇയാൾ ഏത് രാജ്യക്കാരൻ ആണെന്നതടക്കമുള്ള വ്യക്തി വിവരങ്ങൾ പോലീസ് ഇതുവരെ പുറത്തുവിട്ടിട്ടില്ല. പ്രതിയെ തുടർനടപടികൾക്കായി ബന്ധപ്പെട്ട അധികൃതർക്ക് കൈമാറി.
