December 04, 2021
December 04, 2021
കെയ്‌റോ: ഈജിപ്ത് ലീഗിലെ രണ്ടാം ഡിവിഷൻ ക്ലബ്ബായ അൽ മജീദിന്റെ പരിശീലകൻ ഹൃദയാഘാതം മൂലം മരണപ്പെട്ടു. 53 വയസുകാരനായ അദം അൽ സെൽദാറാണ് വിജയഗോൾ ആഘോഷിക്കുന്നതിനിടെ ഗ്രൗണ്ടിൽ വീണ് മരിച്ചത്.
അലെക്‌സാൻഡ്രിയയിൽ നടന്ന അൽ മജീദ്-അൽ സർഖ മത്സരത്തിനിടെയാണ് ദാരുണസംഭവം ഉണ്ടായത്. 91 ആം മിനിറ്റിൽ തന്റെ ടീം വിജയഗോൾ നേടിയതിന് പിന്നാലെ അദത്തിന് ഹൃദയാഘാതം സംഭവിക്കുകയായിരുന്നു. മെഡിക്കൽ സംഘം ഇദ്ദേഹത്തെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല. ഈജിപ്തിലെ പ്രധാനക്ലബ്ബുകളിൽ ഒന്നായ അൽ ഇസ്മായിലിയുടെ മുൻ താരമായിരുന്നു അദം.
