July 02, 2021
July 02, 2021
കൈറോ:പ്രമുഖ ഇസ്ലാമിക പണ്ഡിതന്‍ യൂസുഫുല്‍ ഖറദാവിയുടെ മകള്‍ അല അല്‍ ഖറദാവിയുടെ വിചാരണ തടവ് വീണ്ടും നീട്ടി. ഈജിപ്ത് കോടതിയാണ് 45 ദിവസത്തേത്ത് നീട്ടിയത്. തീവ്രവാദ ബന്ധം ആരോപിച്ച് അറസ്റ്റ് ചെയ്യപ്പെട്ട അല അല്‍ ഖറദാവിക്കെതിരേ ഈജിപ്ത് സര്‍ക്യൂട്ട് കോടതി ഇതുവരെ വിധി പുറപ്പെടുവിച്ചിട്ടില്ല. രാജ്യത്തെ നിയമ വ്യവസ്ഥകള്‍ ലംഘിച്ച് സ്ഥാപിതമായ തീവ്രവാദ സംഘടനയില്‍ ചേരുകയും ധനസഹായം നല്‍കുകയും ചെയ്തെന്നാണ് അലക്കെതിരായ ആരോപണം. ഖത്തര്‍ എംബസിയില്‍ നിന്നുള്ള പ്രതിനിധിയുടെ സാന്നിധ്യത്തിലാണ് തടവ് നീട്ടിയതെന്ന് ഈജിപ്ത് ടെലിവിഷനെ ഉദ്ധരിച്ച് സി.എന്‍.എന്‍ റിപ്പോര്‍ട്ട് ചെയ്തു. 2017ലാണ് അലയെ ഭര്‍ത്താവ് ഹുസാം ഖലാഫിനൊപ്പം ഈജിപ്ത് സൈന്യം അറസ്റ്റ് ചെയ്തത്.
