June 18, 2021
June 18, 2021
കുവൈത്ത് സിറ്റി :ഓഗസ്റ്റ് ഒന്ന് മുതൽ വാക്സിൻ എടുത്ത വിദേശികൾക്ക് പ്രവേശനാനുമതി നൽകിയ തീരുമാനത്തിൽ ഗാർഹിക തൊഴിലാളികൾക്ക് ഇളവ്. .ഇവർക്ക് വാക്സിൻ എടുക്കാതെ തന്നെ വരാൻ കഴിയുമെന്ന് ആഭ്യന്തര തൊഴിൽ ഓഫീസുകളുടെ ഫെഡറേഷൻ വ്യക്തമാക്കി.വാക്സിനെടുത്തവരെ മാത്രം കുവൈത്തിലേക്ക് പ്രവേശിക്കാൻ അനുവദിക്കുന്ന നടപടിയിൽ നിന്നും ഗാർഹിക തൊഴിലാളികളെ ഒഴിവാക്കിയതായി ഫെഡറേഷൻ അറിയിച്ചതായി പ്രാദേശിക പത്രം റിപ്പോർട്ട് ചെയ്തു
ഇതോടെ വാക്സിൻ റിപ്പോർട്ട് ഇല്ലാതെ ഗാർഹിക തൊഴിലാളികൾക്ക് കുവൈത്തിലേക് വരാൻ കഴിയും,
ഓഗസ്റ്റ് 1 മുതൽ റെസിഡൻസി സാധുതയുള്ള രണ്ട് ഡോസ് വാക്സിനേഷൻ എടുത്ത പ്രവാസികൾക്ക് കുവൈത്തിലേക്ക് പ്രവേശിക്കാൻ അനുമതി നൽകുമെന്ന് മന്ത്രിസഭ ഇന്നലെ പ്രഖ്യാപിച്ചിരുന്നു. യാത്രക്ക് 72 മണിക്കൂറിനുള്ളിൽ നടത്തിയ പി.സി.ആർ പരിശോധനയിൽ കോവിഡ് മുക്തനാണെന്ന് തെളിയണം. ഫലം നെഗറ്റിവാണെങ്കിലും ഒരാഴ്ച ഹോം ക്വാറൻറീൻ നിര്ബന്ധമായിരിക്കും.. ആസ്ട്രസെനക, ഫൈസർ ബയോൺടെക്, മൊഡേണ, ജോൺസൻ ആൻഡ് ജോൺസൻ എന്നീ വാക്സിനുകൾ മാത്രമാണ് കുവൈത്ത് അംഗീകരിച്ചിട്ടുള്ളത്. ഇന്ത്യയിൽ നൽകുന്ന കോവിഷീൽഡ് വാക്സിൻ ആസ്ട്രസെനക തന്നെയായതിനാൽ ഇതിന് അംഗീകാരം ലഭിച്ചേക്കും. ഇതുസംബന്ധിച്ച ഔദ്യോഗിക പ്രഖ്യാപനം വിലക്ക് നീക്കുന്നതിന് മുമ്പ് വരുമെന്നാണ് പ്രതീക്ഷ..
