October 31, 2021
October 31, 2021
അദെൻ : യമനിലെ അദെൻ എയർപോർട്ടിന് സമീപത്തുണ്ടായ കാർ ബോംബ് സ്ഫോടനത്തിൽ 12 യമൻ പൗരന്മാർ കൊല്ലപ്പെട്ടതായി അധികൃതർ സ്ഥിരീകരിച്ചു. നിരവധി പേർക്ക് പരിക്കേറ്റിട്ടുണ്ടെന്നും, കൊല്ലപ്പെട്ടവരിൽ കുട്ടികളും ഉൾപെട്ടിട്ടുണ്ടെന്നും സുരക്ഷാ ഉദ്യോഗസ്ഥർ അറിയിച്ചു.
അദെനിലെ ഗവർണറെ ലക്ഷ്യമാക്കി മൂന്നാഴ്ച മുൻപ് നടന്ന ബോംബ് സ്ഫോടനത്തിൽ ആറുപേർ കൊല്ലപ്പെട്ടിരുന്നു. വിമാനത്താവളത്തിലെ ആക്രമണത്തിന്റെ ഉത്തരവാദിത്തം ഏറ്റെടുത്ത് ഒരു സംഘടനയും മുന്നോട്ട് വന്നിട്ടില്ലെന്നും അധികൃതർ അറിയിച്ചു. സൗദിയുമായി സഹകരിച്ച് ഭരണം നടത്തുന്ന യമൻ ഗവൺമെന്റിന് വലിയ വെല്ലുവിളിയാണ് ഹൂത്തികൾ ഉയർത്തുന്നത്.
