March 04, 2022
March 04, 2022
കുവൈത്ത് സിറ്റി : കുവൈത്തിലെ അബ്ദലി റോഡിലുണ്ടായ കാറപകടത്തിൽ ഇന്ത്യക്കാരായ ദമ്പതികൾ മരിച്ചു. പരിക്കേറ്റ മൂന്ന് കുട്ടികൾ അപകടനില തരണം ചെയ്തതായി അധികൃതർ അറിയിച്ചു. പൂനെ സ്വദേശികളായ കുടുംബം, അബ്ദലിയിലേക്ക് വിനോദയാത്ര പോവുന്നതിനിടെയാണ് അപകടമുണ്ടായത്.
സാൽമിയ നാസർ സൗദ് അൽ സബാഹ് ക്ലിനിക്കിൽ ഡോക്ടറായി സേവനമനുഷ്ഠിച്ചിരുന്ന ഷഹിസ്ത മുഹമ്മദ്‌ ഹുസൈൻ സോളങ്കി (37), ബുബിയാൻ ബാങ്കിൽ ഉദ്യോഗസ്ഥനായ ഭർത്താവ് ഉമർ ഗുലാം (41) എന്നിവരാണ് മരണമടഞ്ഞത്. ഉമർ ഗുലാം സംഭവസ്ഥലത്തും, ഷഹിസ്ത ആശുപത്രിയിലേക്കുള്ള വഴിമദ്ധ്യേയുമാണ് മരണത്തിന് കീഴടങ്ങിയത്. കബറടക്കം സുലൈബിഖാത് ശ്മശാനത്തിൽ നടന്നു.
