September 20, 2021
September 20, 2021
കുവൈത്ത് സിറ്റി: കുവൈത്തിലെ സര്ക്കാര് മേഖലയില് നിന്ന് 2,089 പ്രവാസി ജീവനക്കാരെ കൂടി പിരിച്ചുവിട്ടു .സിവില് സര്വീസ് കമ്മീഷനാണ് ഈ കണക്കുകള് പുറത്തുവിട്ടത് . 2021 മാര്ച്ച് മുതല് ഓഗസ്റ്റ് വരെയുള്ള കണക്കുകളിലാണ് ഈ വിവരമുള്ളത്. ഇതേ കാലയലളവില് 10,780 സ്വദേശികളെ സര്ക്കാര് സ്ഥാപനങ്ങളില് നിയമിച്ചതായും കണക്കുകള് ചൂണ്ടിക്കാട്ടുന്നു .
ജനസംഖ്യ അനുസരിച്ചുള്ള സ്വദേശി – വിദേശി അനുപാതം ക്രമീകരിക്കുന്നതിനായി പ്രഖ്യാപിച്ച സ്വദേശിവത്കരണ നടപടികള് രാജ്യത്ത് അതിവേഗത്തില് പുരോഗമിക്കുകയാണ്. വിവിധ മന്ത്രാലയങ്ങളിലും വകുപ്പുകളിലും സര്ക്കാര് ഏജന്സികളിലും ഈ വര്ഷം മാര്ച്ച് 24ന് 71,600 പ്രവാസികളാണ് ജോലി ചെയ്തിരുന്നത് .
അതെ സമയം ഓഗസ്റ്റ് 17ലെ കണക്കുകള് പ്രകാരം ഇത് 69,511 ആയി കുറഞ്ഞു. അതേസമയം സ്വദേശി ജീവനക്കാരുടെ എണ്ണം 3,08,409ല് നിന്ന് 3,19,189 ആയി കുതിച്ചു .ആരോഗ്യ രംഗത്തെ പ്രവാസികളുടെ എണ്ണത്തില് ഇക്കാലയളവില് 602 പേരുടെയും അധ്യാപക ജോലികളില് 698 പേരുടെയും കുറവ് രേഖപ്പെടുത്തി . അതേസമയം നിയമം, ഇസ്ലാമികകാര്യം തുടങ്ങിയ വിഭാഗങ്ങളില് പ്രവാസികളുടെ എണ്ണം വര്ദ്ധിച്ചുവെന്നും കണക്കുകള് ചൂണ്ടിക്കാട്ടുന്നു .