December 19, 2021
December 19, 2021
ദോഹ : ഇസ്രായേൽ പരിശീലകന്റെ ടീമിനെതിരെ കളത്തിൽ ഇറങ്ങാൻ വിസമ്മതിച്ച്‌ മുൻ അൾജീരിയൻ ഫുട്ബോൾ താരങ്ങൾ. അറബ് കപ്പ് കലാശപ്പോരാട്ടത്തിന് മുന്നോടിയായി അൽ തുമാമ സ്റ്റേഡിയത്തിൽ അരങ്ങേറിയ പ്രദർശനമത്സരത്തിലാണ് സംഭവം. ഫിഫ അറബ് ലെജൻഡ്‌സും ഫിഫ വേൾഡ് ലെജൻഡ്‌സും തമ്മിൽ നടന്ന മത്സരം വീക്ഷിക്കാൻ മൂവായിരത്തിഅഞ്ഞൂറോളം കാണികളും അൽതുമാമ സ്റ്റേഡിയത്തിൽ എത്തിയിരുന്നു.
റബാഹ് മജ്‌ദാർ, റാഫിക് സൈഫി, റാഫിക് ഹല്ലിചെ എന്നീ താരങ്ങളാണ് ബൂട്ടുകെട്ടാൻ തങ്ങൾ തയ്യാറല്ലെന്നറിയിച്ചതെന്ന് ഐ24ന്യൂസ് റിപ്പോർട്ട് ചെയ്തു. ഇസ്രായേലിയായ അവ്‌റഹാം ഗ്രാന്റ് ആയിരുന്നു ലോക ഇലവന്റെ പരിശീലകൻ. മത്സരത്തിൽ പെനാൽറ്റി ഷൂട്ടൗട്ടിലൂടെ അറബ് താരങ്ങളുടെ ടീം വിജയം കൊയ്തു.
