August 19, 2021
August 19, 2021
കാബൂൾ : രാജ്യം വിടാനുള്ള പരിശ്രമത്തിനിടെ അഫ്ഗാൻ അണ്ടർ 19 ഫുട്ബോൾ താരം സാക്കി അൻവാരി വിമാനത്തിൽ നിന്നും വീണ് മരിച്ചു. കാബൂൾ വിമാനത്താവളത്തിൽ നിന്നും പറന്നുയർന്ന ബോയിങ് c-17 ഫ്ളൈറ്റിൽ നിന്നും താഴെ വീണാണ് താരം മരിച്ചതെന്ന് അഫ്ഗാൻ ന്യൂസ് ഏജൻസിയായ "അരിയാന" റിപ്പോർട്ട് ചെയ്തു.
വിമാനത്താവളങ്ങളിൽ ആയിരക്കണക്കിന് അഫ്ഗാൻ പൗരൻമാർ തടിച്ചുകൂടിയ വീഡിയോകൾക്ക് പിന്നാലെ വിമാനത്തിൽ നിന്ന് ആളുകൾ താഴേക്ക് പതിക്കുന്ന ദൃശ്യങ്ങളും സമൂഹമാധ്യമങ്ങളിൽ വൈറലായിരുന്നു. സാക്കി അൻവാരിയുടെ മരണം ജനറൽ ഡയറക്ടറേറ്റ് ഓഫ് സ്പോർട്സ് ഔദ്യോഗികമായി സ്ഥിരീകരിച്ചു.