January 11, 2022
January 11, 2022
കുവൈത്തിലെ വിദ്യാഭ്യാസ മേഖലയിലാകെ കോവിഡ് പടർന്നുപിടിക്കുന്നു. ഏറ്റവും ഒടുവിലായി പുറത്തുവന്ന കണക്കുകൾ പ്രകാരം വിദ്യാർത്ഥികളും അധ്യാപകരും അടക്കം വിദ്യാഭ്യാസ മേഖലയിൽ നിന്നുള്ള 1500 പേരാണ് നിലവിൽ കോവിഡിന്റെ പിടിയിലുള്ളത്. വിദ്യാഭ്യാസ മേഖലയുമായി ബന്ധപ്പെട്ട ഓഫീസുകളുടെ ജീവനക്കാരും ഈ കണക്കിൽ പെടും.
രാജ്യത്ത് ഞായറാഴ്ച 2999 പുതിയ കോവിഡ് കേസുകളാണ് റിപ്പോർട്ട് ചെയ്യപ്പെട്ടത്. ഇതോടെ ആകെ രോഗികളുടെ എണ്ണം 433919 ആയി വർധിച്ചു. കേസുകൾ ഉയരുന്ന സാഹചര്യം കണക്കിലെടുത്ത് ഔഖാഫ്, നീതി ന്യായം, ഇസ്ലാമിക കാര്യം എന്നീ മന്ത്രാലയങ്ങൾ രാജ്യത്ത് പുതിയ നിയന്ത്രണങ്ങൾ ഏർപ്പെടുത്തിയിട്ടുണ്ട്.
