July 11, 2021
July 11, 2021
അങ്കാറ: കിഴക്കന് തുര്ക്കിയില് ബസ്സപകടത്തില് 12 മരണം.ഞായറാഴ്ച പുലര്ച്ചെയാണ് അഫ്ഗാന്, പാകിസ്താന്, ബംഗ്ലാദേശ് കുടിയേറ്റക്കാരുമായി പോവുകയായിരുന്ന ബസ് അപകടത്തില് പെട്ടത്.26 പേര്ക്ക് പരിക്കേറ്റു.ഇറാന്- തുര്ക്കി അതിര്ത്തിക്കടുത്തുള്ള വാന് പ്രവിശ്യയിലെ മുറാദിയെ ജില്ലയിലാണ് അപകടം. ഒരു കുഴിയിലേക്ക് മറിഞ്ഞ ബസിന് തീപിടിക്കുകയും ചെയ്തു. അപകടത്തില് മരിച്ചവരെ തിരിച്ചറിഞ്ഞിട്ടില്ല. ബസിന്റെ ഉടമയെ കസ്റ്റഡിയിലെടുത്തിട്ടുണ്ടെന്ന് അധികൃതര് അറിയിച്ചു. യൂറോപ്പിലേക്ക് കടക്കാന് ലക്ഷ്യമിട്ടുള്ള കുടിയേറ്റക്കാര്ക്ക് തുര്ക്കി ഒരു പ്രധാന യാത്രാ കേന്ദ്രമാണ്. ഇറാന്, അഫ്ഗാനിസ്ഥാന്, പാക്കിസ്ഥാന് എന്നിവിടങ്ങളില് നിന്നുള്ള കുടിയേറ്റക്കാര് ഇറാനിയന് അതിര്ത്തി കടന്ന് തുര്ക്കിയിലേക്ക് കാല്നടയായി പോവുകയാണ് പതിവ്. ഇസ്താംബുള്, അങ്കാറ തുടങ്ങിയ നഗരങ്ങളിലേക്കാണ് അവര് കടക്കുക.