April 08, 2024
April 08, 2024
ഗസ: ഗസയിലെ അൽ അമൽ ആശുപത്രിയിൽ ഇസ്രായേൽ സയണിസ്റ്റ് സേനയുടെ (ഐ.ഡി.എഫ്) വെടിവെപ്പിൽ നേഴ്സ് കൊല്ലപ്പെട്ടു. ഫലസ്തീൻ റെഡ് ക്രസൻറ് സൊസൈറ്റിയുടെ (പിആർസിഎസ്) വളന്റിയറായ മുഹമ്മദ് ആബിദ് എന്ന നഴ്‌സാണ് കൊല്ലപ്പെട്ടത്. പരിക്കേറ്റ ആബിദിനെ രക്ഷിക്കാൻ ശ്രമിച്ച റെഡ്ക്രസന്റിലെ സഹപ്രവർത്തകനായ ആംബുലൻസ് ഡ്രൈവറെ സൈന്യം ആട്ടിയോടിച്ചതായും റിപ്പോർട്ടുണ്ട്.
രണ്ടാഴ്ചയ്ക്ക് ശേഷം അൽ-അമൽ ആശുപത്രിയിൽ നിന്ന് ഇസ്രായേൽ സേന പിൻ
മാറിയതിന് ശേഷം ആബിദിന്റെ മൃതദേഹം കണ്ടെത്തി. ജീർണിച്ച നിലയിലായിരുന്നു മൃതദേഹം ആശുപത്രി മൂലയിൽ കിടന്നത്.
‘അദ്ദേഹത്തിന്റെ അഴുകിയ മൃതദേഹം ഇന്ന് കണ്ടെത്തി. ആബിദ് ധരിച്ചിരുന്ന ഫലസ്തീൻ റെഡ് ക്രസൻറ് സൊസൈറ്റിയുടെ യൂണിഫോം വഴിയാണ് മൃതദേഹം തിരിച്ചറിഞ്ഞത്. ആരോഗ്യപ്രവർത്തകൻ എന്ന നിലയിൽ ആ യൂനിഫോം അദ്ദേഹത്തിന് യുദ്ധവേളയിൽ സംരക്ഷണം നൽകേണ്ടതായിരുന്നു’’ - ആബിദിന്റെ ഫോട്ടോ സഹിതം പി.ആർ.സി.എസ് എക്സിൽ പോസ്റ്റ് ചെയ്ത കുറിപ്പിൽ വ്യക്തമാക്കി.
43 ദിവസത്തോളം ഇസ്രായേൽ സേന ആശുപത്രി വളഞ്ഞ് അതിക്രമം തുടരുമ്പോഴും രോഗികളെ സഹായിക്കുന്നതിൽ അദ്ദേഹം പ്രതിബദ്ധതനായിരുന്നുവെന്നും പിആർസിഎസ് പറഞ്ഞു. ഇതോടെ, ഗസയിൽ ഇസ്രായേൽ സൈന്യം കൊലപ്പെടുത്തിയ റെഡ് ക്രസന്റ് ജീവനക്കാരുടെ എണ്ണം 16 ആയതായും സംഘടന അറിയിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
