April 10, 2023
April 10, 2023
ന്യൂസ്റൂം ബ്യൂറോ
മസ്കത്ത്: ഒമാനിലെ വിവിധ ഗവര്ണറേറ്റുകളില് ശക്തമായ മഴ തുടരുന്നു. മസ്കത്ത് ഗവര്ണറേറ്റില് റോഡിലേക്ക് പാറ ഇടിഞ്ഞ് ഗതാഗതം തടസ്സപ്പെടുകയും വാഹനങ്ങള്ക്ക് കേടുപാടുകള് സംഭവിക്കുകയും ചെയ്തു.
അമീറാത്ത്-ഖുറിയത്ത് റോഡിലാണ് സംഭവം. ആര്ക്കും പരിക്കുകളില്ലെന്ന് സിവില് ഡിഫന്സ് ആന്ഡ് ആംബുലന്സ് അതോറിറ്റി പ്രസ്താവനയില് അറിയിച്ചു. രണ്ട് വാഹനങ്ങള്ക്കാണ് കേടുപാടുകള് പറ്റിയത്. സംഭവത്തെ തുടര്ന്ന് മേഖലയിലെ ഗതാഗതം ഏറെ നേരം സ്തംഭിച്ചു. സുവൈഖ്, ഖാബൂറ, ഖുറിയാത്ത്, ആമിറാത്ത്, സുഹാര്, അവാബി, റുസ്താഖ്, സമാഇല്, ജഅലാന് ബനീ ബൂ അലി, ഇസ്കി തുടങ്ങിയ ഗവര്ണറേറ്റുകളിലാണ് ശക്തമായ ലഭിച്ചത്.
വിവിധ ഗവര്ണറേറ്റുകളില് ചൊവ്വാഴ്ച വരെ ഒറ്റപ്പെട്ട മഴയ്ക്കും ഇടിമിന്നലിനും സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം മുന്നറിയിപ്പു നല്കി. ഹജര് പര്വതനിരകളിലും സമീപപ്രദേശങ്ങളിലും ദോഫാര്, അല് വുസ്ത തെക്കന് ശര്ഖിയ, വടക്കന് ശര്ഖിയ ഗവര്ണറേറ്റുകളിലുമായിരിക്കും മഴ ലഭിക്കുക എന്ന് മുന്നറിയിപ്പില് പറയുന്നു.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI