December 01, 2023
December 01, 2023
ദോഹ : താൽക്കാലിക വിരാമത്തിന് ശേഷം ഗസ മുനമ്പിലെ ജനങ്ങൾക്കെതിരെ ഇസ്രായേൽ ആക്രമണം പുനരാരംഭിച്ചതിൽ ഖത്തർ ഭരണകൂടം അഗാധമായ ഖേദം പ്രകടിപ്പിച്ചു.
വെടിനിർത്തൽ തുടരാൻ ലക്ഷ്യമാക്കി ഇരുപക്ഷവും തമ്മിലുള്ള ചർച്ചകൾ തുടരുകയാണെന്ന് വിദേശകാര്യ മന്ത്രാലയം വ്യക്തമാക്കി.മാനുഷികമായ വെടിനിർത്തലിലൂടെ മേഖലയിൽ സമാധാനം നിലനിർത്താനുള്ള ശ്രമങ്ങൾ തുടരാൻ ഖത്തർ ഭരണകൂടം മധ്യസ്ഥ പങ്കാളികളോടൊപ്പം ശ്രമം തുടരുമെന്നും സമാധാനത്തിലേക്ക് മടങ്ങാൻ ആവശ്യമായതെല്ലാം ചെയ്യുമെന്നും ഖത്തർ വിദേശകാര്യ മന്ത്രാലയം ആവർത്തിച്ചു.
താൽക്കാലികമായി നിർത്തിയതിന് ശേഷമുള്ള ആദ്യ മണിക്കൂറുകളിൽ ഗാസ മുനമ്പിൽ ഇസ്രായേൽ തുടർച്ചയായ ബോംബാക്രമണം നടത്തിയത് മധ്യസ്ഥ ശ്രമങ്ങളെ സങ്കീർണ്ണമാക്കുകയും ഗസയിലെ മാനുഷിക ദുരന്തം വർദ്ധിപ്പിക്കുകയാണ്. ഈ സാഹചര്യത്തിൽ അക്രമം തടയാൻ അന്താരാഷ്ട്ര സമൂഹം എത്രയും വേഗം ഇടപെടണമെന്നും ഖത്തർ വിദേശകാര്യ മന്ത്രാലയം ആവശ്യപ്പെട്ടു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
.