July 25, 2023
July 25, 2023
ന്യൂസ്റൂം ബ്യുറോ
മസ്കത്ത് :ന്യൂനമർദത്തിന്റെ ഫലമായി രാജ്യത്തിന്റെ ചില ഭാഗങ്ങളിൽ വരും ദിവസങ്ങളിൽ വെള്ളമുയരാൻ സാധ്യതയുണ്ടെന്ന് ഒമാൻ കാലാവസ്ഥാ നിരീക്ഷണ കേന്ദ്രം മുന്നറിയിപ്പ് നൽകി.
സൗത്ത് അൽ ഷർഖിയ, അൽ വുസ്ത, ദോഫാർ എന്നീ സ്ഥലങ്ങളിലാണ് വെള്ളപ്പൊക്കത്തിന് കാരണമായേക്കാവുന്ന ഒറ്റപ്പെട്ട മഴയ്ക്ക് (10-30 മില്ലിമീറ്റർ) സാധ്യതയുള്ളത്. പർവതപ്രദേശങ്ങളിലും ശക്തമായ കാറ്റിനും ഒറ്റപ്പെട്ട മഴയ്ക്കും സാധ്യതയുണ്ടെന്നും മുന്നറിയിപ്പിൽ പറയുന്നു.
ഒമാൻ കടൽ തീരത്ത് തിരമാലകളുടെ ഉയരം പരമാവധി 1.5 മുതൽ 2.5 മീറ്റർ വരെ ആയിരിക്കുമെന്നും അറിയിപ്പിൽ വ്യക്തമാക്കി.
താഴ്വാരങ്ങളിൽ താമസിക്കുന്നവരും കടലിൽ പോകുന്നവരും ജാഗ്രത പാലിക്കുകയും ആവശ്യമായ മുൻകരുതലുകൾ സ്വീകരിക്കുകയും വേണം. ഏറ്റവും പുതിയ കാലാവസ്ഥാ ബുള്ളറ്റിനുകൾ നിരീക്ഷിക്കാനും സിവിൽ ഏവിയേഷൻ അതോറിറ്റി ജനങ്ങൾക്ക് നിർദ്ദേശം നൽകിയിട്ടുണ്ട്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm