October 26, 2022
October 26, 2022
ന്യൂസ്റൂം ബ്യുറോ
മസ്കത്ത് : ഖത്തർ ഫിഫ ലോകകപ്പിനോടനുബന്ധിച്ച് സുൽത്താനേറ്റ് ഓഫ് ഒമാൻസ് പ്രോഗ്രാമിന്റെ ഭാഗമായി മസ്കത്തിൽ ഫാൻ ഫെസ്റ്റിവൽ സംഘടിപ്പിക്കും. 2022 നവംബർ 20 മുതൽ ഡിസംബർ 18 വരെ മസ്കത്തിലെ ഒമാൻ കൺവെൻഷൻ ആൻഡ് എക്സിബിഷൻ സെന്ററിലാണ് ഫെസ്റ്റ് സംഘടിപ്പിക്കുന്നത്.
എല്ലാ ലോകകപ്പ് മത്സരങ്ങളുടെയും തത്സമയ സ്ട്രീമിംഗും നിരവധി ആവേശകരമായ പരിപാടികളും പ്രവർത്തനങ്ങളും ഉൾകൊള്ളുന്നതാകും ഫെസ്റ്റ്. സന്ദർശകർക്ക് സമ്മാനങ്ങളും പ്രോത്സാഹനങ്ങളും നേടാനാകുന്ന കലാപരമായ പ്രകടനങ്ങൾ, സംവേദനാത്മക ഗെയിമുകൾ, ആവേശകരമായ മത്സരങ്ങൾ എന്നിവയുൾപ്പെടെ വിവിധ പരിപാടികൾ ഫെസ്റ്റിവൽ അവതരിപ്പിക്കും. പ്രാദേശികവും അന്തർദേശീയവുമായ റെസ്റ്റോറന്റുകൾക്കായി ഒരു സെക്ഷൻ തെന്ന് മാറ്റിവെച്ചിട്ടുണ്ട്.
ഖത്തർ ലോകകപ്പ് ഈ മേഖലയിൽ ഇതുവരെ നടന്നിട്ടുള്ളതിൽ വച്ച് ഏറ്റവും പ്രധാനപ്പെട്ട കായിക ഇനമാണെന്ന് ഒമാനി പൈതൃക ടൂറിസം മന്ത്രാലയത്തിന്റെ അണ്ടർസെക്രട്ടറിയും ഫിഫ ലോകകപ്പ് ഖത്തറിനൊപ്പമുള്ള ഒമാന്റെ പരിപാടിയുടെ സ്റ്റിയറിംഗ് കമ്മിറ്റി ചെയർമാനുമായ അസ്സാൻ ബിൻ ഖാസിം അൽ ബുസൈദി പറഞ്ഞു.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻhttps://chat.whatsapp.com/EbsrZk47eaBENKOhwtWeGf എന്ന ലിങ്കിൽ ജോയിൻ ചെയ്യുക.വീഡിയോകൾ കാണാൻ https://www.youtube.com/c/NewsRoomme സബ്സ്ക്രൈബ് ചെയ്യുക