March 27, 2024
March 27, 2024
റിയാദ്: സൗദി അറേബ്യയില് യോഗ്യതയില്ലാതെ ചികിത്സ നടത്തിയ ആരോഗ്യപ്രവര്ത്തകരെ അറസ്റ്റ് ചെയ്തു. നിയമലംഘനം കണ്ടെത്തിയതിനെ തുടര്ന്നാണ് അറസ്റ്റെന്ന് സൗദി ആരോഗ്യമന്ത്രാലയം അറിയിച്ചു. പ്രതികളെ തുടര് നിയമനടപടികള്ക്കായി പബ്ലിക് പ്രോസിക്യൂഷന് റഫര് ചെയ്തു.
നിയമലംഘനങ്ങള് കണ്ടെത്തിയതിനെ തുടര്ന്ന് റിയാദില് പ്രവര്ത്തിച്ചിരുന്ന ആരോഗ്യ ക്ലിനിക്കിലെ ഏകദിന ശസ്ത്രക്രിയാ വിഭാഗവും അടച്ചുപൂട്ടി. നഴ്സിനെ നിയമവിരുദ്ധമായി സ്കിന് സ്പെഷ്യലിസ്റ്റായി പ്രവര്ത്തിപ്പിച്ചു, ലൈസന്സില്ലാതെ രണ്ട് ഏകദിന ശസ്ത്രക്രിയാ വിഭാഗം തുറന്നു തുടങ്ങിയ നിയമലംഘനങ്ങള്ക്കാണ് നടപടി. മതിയായ ലൈസന്സില്ലാത്തതും യോഗ്യത ഇല്ലാത്തതുമായ നിരവധി ആരോഗ്യ പ്രവര്ത്തകര് ഏകദിന ശസ്ത്രക്രിയകള്ക്കായി പ്രവര്ത്തിച്ചിട്ടുണ്ടെന്നും മന്ത്രാലയം വ്യക്തമാക്കി. ആരോഗ്യ കേന്ദ്രങ്ങള് ആരോഗ്യ നിയമങ്ങള് പാലിക്കേണ്ടതിന്റെ ആവശ്യകതയും സൗദി ആരോഗ്യമന്ത്രാലയം ചൂണ്ടിക്കാട്ടി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F