January 16, 2024
January 16, 2024
മസ്കത്ത്: എയർ ഇന്ത്യ എക്സ്പ്രസും സലാം എയറും ടിക്കറ്റ് നിരക്കുകൾ കുറച്ചു. സ്കൂൾ അവധിയും ഫെസ്റ്റിവൽ സീസണും അവസാനിച്ചതോടെ ഫെബ്രുവരി 14 വരെയാണ് എയർ ഇന്ത്യ എക്സ്പ്രസ് കേരളത്തിലെ എല്ലാ സെക്ടറിലേക്കും നിരക്ക് കുറച്ചത്. മസ്കത്തിൽ നിന്ന് തിരുവനന്തപുരം, കൊച്ചി എന്നിവിടങ്ങളിലേക്കാണ് ഏറ്റവും കുറഞ്ഞ നിരക്കുകൾ സലാം എയർ ഈടാക്കുന്നത്. മസ്കത്തിൽ നിന്ന് തിരുവന്തപുരത്തേക്ക് 33 റിയാലാണ് കുറഞ്ഞ നിരക്ക്. ചില ദിവസങ്ങളിൽ നിരക്കിൽ വ്യത്യാസമുണ്ടെങ്കിലും പല ദിവസങ്ങളിലും ഇതേ നിരക്കിൽ തന്നെ ടിക്കറ്റുകൾ ലഭിക്കും.
സമാന നിരക്ക് തന്നെയാണ് എയർ ഇന്ത്യയും ഈടാക്കുന്നത്. ഉച്ചക്ക് 12.25ന് പുറപ്പെട്ട് വൈകുന്നേരം 5.35 ന് കൊച്ചിയിലെത്തും. എന്നാൽ, മസ്കത്തിൽ നിന്ന് കോഴിക്കോട്ടേക്ക് 37.200 റിയാലാണ് എയർ ഇന്ത്യ ഈടാക്കുന്നത്. മസ്കത്തിൽ നിന്ന് പുലർച്ചെ 2.50 ന് പുറപ്പെടുന്ന വിമാനം രാവിലെ 7.50 നാണ് കോഴിക്കോട്ട് എത്തുന്നത്. മസ്കത്തിൽ നിന്ന് കണ്ണൂരിലേക്ക് 40 റിയാലാണ് നിരക്ക്. രാവിലെ 9.40 ന് പുറപ്പെടുന്ന വിമാനം ഉച്ചക്ക് 2.30 കണ്ണൂരിലെത്തും. ചൊവ്വ. ബുധൻ, വ്യാഴം, ശനി, ഞായർ ദിവസങ്ങളിലാണ് എയർ ഇന്ത്യ എക്സ്പ്രസ് കണ്ണൂരിലേക്ക് സർവിസ് നടത്തുന്നത്.
കേരളത്തിൽ നിന്ന് മസ്കത്തിലേക്കുള്ള സർവിസുകളുടെ നിരക്കുകളും എയർ ഇന്ത്യ എക്സ്പ്രസ് കുറച്ചിട്ടുണ്ട്. രാവിലെ 8.35 ന് കൊച്ചിയിൽ നിന്ന് പുറപ്പെട്ട് രാവിലെ 11.10ന് മസ്കത്തിലെത്തുന്ന എയർ ഇന്ത്യ എക്സ്പ്രസ് വിമാനം 44.900 റിയാലാണ് ഈടാക്കുന്നത്. രാത്രി 11.35 ന് കോഴിക്കോട്ട് നിന്ന് പുറപ്പെട്ട് പുലർച്ച 1.50 ന് മസ്കത്തിലെത്തുന്ന എയർ ഇന്ത്യ എക്സ്പ്രസ് 35.900 റിയാലാണ് ഈടാക്കുന്നത്. തിരുവനന്തപുരത്ത് നിന്ന് മസ്കത്തിലേക്ക് 40 റിയാലാണ് നിരക്ക്.
മസ്കത്തിൽ നിന്ന് കോഴിക്കോട്ടേക്ക് സർവിസ് നടത്തുന്ന സലാം എയറും നിരക്കുകൾ കുറച്ചിട്ടുണ്ട്. രാത്രി 10.30ന് മസ്കത്തിൽ നിന്ന് പുറപ്പെട്ട് പുലർച്ച 3.20 കോഴിക്കോട്ടെത്തുന്ന സലാം എയർ 37 റിയാലാണ് ഈടാക്കുന്നത്. ഈ നിരക്കിലുള്ള ടിക്കറ്റിന് 20 കിലോ ലഗേജ് മാത്രമാണ് അനുവദിക്കുക.
അതേസമയം, വിമാന കമ്പനികൾ നിരക്കുകൾ കുറച്ചെന്ന അറിയിപ്പുകൾ വന്നതോടെ നിരവധി പേരാണ് കേരളത്തിലേക്ക് പോവാൻ ഒരുങ്ങുന്നത്. പുതിയ നിരക്കുകൾ നിലവിൽ വന്നതോടെ നിരവധി പേർ ടിക്കറ്റുകൾ എടുത്തു കഴിഞ്ഞു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
