October 21, 2023
October 21, 2023
മസ്കത്ത് ∙ ഒമാനിലെ സൂറില് ഭൂചലനം അനുഭവപ്പെട്ടതായി റിപ്പോർട്ട്. ഇന്ന് (ശനിയാഴ്ച) രാവിലെ 10 മണിയോടെ 4.8 തീവ്രത രേഖപ്പെടുത്തിയ ഭൂചലനമാണ് റിപ്പോര്ട്ട് ചെയ്തതെന്ന് സുല്ത്താന് ഖാബൂസ് സര്വകലാശാലയിലെ ഭൂകമ്പ നിരീക്ഷണ കേന്ദ്രം (ഇഎംസി) അറിയിച്ചു.
സൂറിലെയും സമീപ പ്രദേശങ്ങളിലെയും ഫ്ളാറ്റുകളില് താമസിക്കുന്നവര്ക്കും കടകളിലുള്ളവര്ക്കും ഭൂചലനം അനുഭവപ്പെട്ടതായാണ് വിവരം. എന്നാല് നാശനഷ്ടങ്ങളൊന്നും റിപ്പോർട്ട് ചെയ്തിട്ടില്ല.
അതേസമയം, കഴിഞ്ഞ ആഴ്ചയും ഒമാനിലെ ഷാലിമിലും ഹലാനിയത്ത് ദ്വീപിലും നേരിയ ഭൂചലനം അനുഭവപ്പെട്ടിരുന്നു. റിക്ടര് സ്കെയിലില് 3.3 തീവ്രതയാണ് രേഖപ്പെടുത്തിയത്. ഹൈമയിൽ നിന്ന് 154 കിലോമീറ്റർ തെക്ക് പടിഞ്ഞാറാണ് ഭൂചലനം രേഖപ്പെടുത്തിയത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F