October 22, 2023
October 22, 2023
മസ്കത്ത്: അറബിക്കടലില് രൂപംകൊണ്ട തേജ് ചുഴലിക്കാറ്റ് ശക്തിപ്രാപിക്കുന്നതിനാല് ചില വിലായത്തുകളിലേയും തീര പ്രദേശങ്ങളിലേയും താമസക്കാരെ ഒഴിപ്പിക്കാന് ഒമാന് ദേശീയ ദുരന്ത നിവാരണ സമിതി( എന്സിഇഎം) തീരുമാനിച്ചു. ദോഫാര് ഗവര്ണറേറ്റിലെ ഹലാനിയത്ത് ദ്വീപികളിലേയും സലാല, രഖ്യുത്, ധല്കോട്ട് എന്നീ വിലായത്തുകളിലേയും തീരപ്രദേശങ്ങളിലേയും താമസക്കാരെയാണ് ഒഴിപ്പിക്കുന്നത്. ചുഴലിക്കാറ്റ് മൂലമുണ്ടാകുന്ന ഏത് അടിയന്തര സാഹചര്യത്തേയും നേരിടാന് സജ്ജമാണെന്ന് ഒമാന് ദുരന്ത നിവാരണ സമിതി അറിയിച്ചു. ഇതിന്റെ ഭാഗമായി ദോഫാര് ഗവര്ണറേറ്റില് 32 അഭയാര്ത്ഥി ക്യാമ്പുകളും അല് വുസ്ത ഗവര്ണറേറ്റില് 3 അഭയാര്ത്ഥി ക്യാമ്പുകളും തയ്യാറാക്കിയിട്ടുണ്ട്.
അതേസമയം തേജ് ചുഴലിക്കാറ്റ് നിലവില് ശക്തി പ്രാപിച്ച് ഒമാന് തീരത്തിന് 450 കിലോമീറ്റര് അകലെ കാറ്റഗറി മൂന്നിലേക്ക് കടന്നതായി കാലാവസ്ഥ നിരീക്ഷണ കേന്ദ്രം അറിയിച്ചു. അടുത്ത 24 മണിക്കൂറിനുള്ളില് ചുഴലിക്കാറ്റ് കാറ്റഗറി നാലായി മാറാനാണ് സാധ്യത. കാറ്റിന്റെ പ്രഭാവത്താല് ഇന്ന് (ഒക്ടോബര് 22) രാത്രി ദോഫാര്, അല് വുസ്ത ഗവര്ണറേറ്റുകളില് ശക്തമായ മഴ ആരംഭിക്കും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F