August 03, 2023
August 03, 2023
ന്യൂസ്‌റൂം ബ്യൂറോ
മസ്‌കത്ത് : ഒമാനിൽ എറണാകുളം സ്വദേശിനിയായ രണ്ടാം ക്ലാസ്സ്‌ വിദ്യാർഥിനി വാഹനാപകടത്തിൽ മരിച്ചു. സീബ് ഇന്ത്യൻ സ്‌കൂൾ വിദ്യാർഥിനിയായ അൽന റ്റാകിനാണ് (6 വയസ്സ്) മരിച്ചത്. എറണാകുളം പാലാരിവട്ടം സ്വദേശികളായ റ്റാക്കിൻ ഫ്രാൻസിസ് ഓലാറ്റുപുറത്തിന്റെയും ഭവ്യ വർഗീസിന്റെയും മകളാണ് അൽന.
ബുധനാഴ്ച വൈകുന്നേരം ക്ലാസ് കഴിഞ്ഞ് അമ്മയ്ക്കും രണ്ട് സഹോദരങ്ങൾക്കുമൊപ്പം കാറിൽ സഞ്ചരിക്കവെയാണ് അപകടമുണ്ടായത്. കാർ നിയന്ത്രണം വിട്ട് മറിയുകയായിരുന്നു. അപകടത്തിൽ പരിക്കേറ്റ നാല് പേരെയും ആശുപത്രിയിൽ പ്രവേശിപ്പിച്ചെങ്കിലും, അൽന റ്റാകിൻ മരണപ്പെടുകയായിരുന്നു.
അമ്മയുടെയും സഹോദരങ്ങളുടെയും പരിക്ക് ഗുരുതരമല്ല എന്നാണ് റിപ്പോർട്ട്. അല്‍ന റ്റാകിന്റെ മരണത്തെ തുടര്‍ന്ന് സീബ് ഇന്ത്യന്‍ സ്‌കൂളിന് ഇന്ന് (വ്യാഴാഴ്ച) അവധി നല്‍കിയിരിക്കുകയാണ്‌.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm
