August 04, 2023
August 04, 2023
ന്യൂസ്റൂം ബ്യുറോ
മസ്കത്ത് : ഒമാനിലെ നിരവധി വാഹനങ്ങൾ തമ്മിൽ കൂട്ടിയിടിച്ചുണ്ടായ അപകടത്തിൽ രണ്ടുപേർക്ക് പരിക്കേറ്റു. വിനോദസഞ്ചാര കേന്ദ്രമായ ജബൽ അൽ അഖ്ദിറിലേക്കുള്ള റോഡിലാണ് അപകടമുണ്ടായത്. ശക്തമായ കൂട്ടിയിടിയിൽ വാഹനങ്ങൾ റോഡിൽ നിന്ന് ദൂരേക്ക് തെറിച്ചുപോവുകയും തകരുകയും ചെയ്തിട്ടുണ്ട്.
കാറും ജെ.സി.ബിയും അടക്കമുള്ളവയാണ് മലയോരത്തെ വളവിൽ കൂട്ടിയിടിച്ചത്. അമിതവേഗവും വാഹനങ്ങൾ തമ്മിൽ അകലം പാലിക്കാതിരുന്നതുമാണ് അപകടത്തിന് കാരണമെന്നാണ് വിലയിരുത്തപ്പെടുന്നത്.
ഇതുവഴി കടന്നുപോകുന്ന വാഹനങ്ങൾ ജാഗ്രത പാലിക്കണമെന്നും നടപടികൾ സ്വീകരിച്ചു വരികയാണെന്നും റോയൽ ഒമാൻ പൊലീസ് അറിയിച്ചു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm