August 02, 2021
August 02, 2021
മസ്‌കത്ത്: നെറ്റ്‌വര്‍ക്ക മാര്‍ക്കറ്റിങ് ഒമാനില്‍ ഇനി നിയമവിരുദ്ധം. വ്യവസായ,വാണിജ്യ,നിക്ഷേപക പ്രോത്സാഹന മന്ത്രി എന്‍ജിനീയര്‍ ഖൈസ് ബിന്‍ മുഹമ്മദ് അല്‍ യൂസുഫാണ് ഇതു സംബന്ധിച്ച ഉത്തരവിറക്കിയത്.സാധനങ്ങളും സേവനങ്ങളും നെറ്റ്‌വര്‍ക്ക്, പിരമിഡ് മാര്‍ക്കറ്റിങ് വഴി വില്‍പന നടത്തുന്നതും വാങ്ങുന്നതും പരസ്യം നല്‍കുന്നതുമെല്ലാം നിയമലംഘനമായിരിക്കും.ഇലക്‌ട്രോണിക്, ഇലക്‌ട്രോണിക് ഇതര രീതികള്‍ക്കും നിരോധം ബാധകമാണ്. നിയമലംഘകര്‍ക്ക് 5000 റിയാല്‍ പിഴ ചുമത്തും. നിയമലംഘനം ആവര്‍ത്തിച്ചാല്‍ പിഴ ഇരട്ടിയാവുകയും ചെയ്യും.വാണിജ്യ മേഖലയിലെ തട്ടിപ്പുകള്‍ ഒഴിവാക്കുന്നതിന്റെ ഭാഗമായാണ് ഇത്തരം വിപണന രീതികള്‍ക്ക് നിരോധനം ഏര്‍പ്പെടുത്തിയതെന്ന് മന്ത്രാലയത്തിലെ വാണിജ്യ വിഭാഗം മേധാവി മുബാറക്ക് മുഹമ്മദ് അല്‍ ദൊഹാനി അറിയിച്ചു.
