April 25, 2020
April 25, 2020
മെല്‍ബണ്‍: ആസ്‌ത്രേലിയയില്‍ നഴ്‌സായി ജോലി ചെയ്തിരുന്ന എറണാകുളം അങ്കമാലി കിടങ്ങൂര്‍ സ്വദേശി മെജോ വര്‍ഗീസ് (35) ഹൃദയാഘാതം മൂലം മരിച്ചു. ന്യൂ സൗത്ത് വെയ്ല്‍സില്‍ ഇന്ന് പൂലര്‍ച്ചെ മരിച്ചതായാണ് ബന്ധുക്കള്‍ക്ക് വിവരം ലഭിച്ചത്. അങ്കമാലി കിടങ്ങൂര്‍ കുന്നംപ്പള്ളി കെ എം വര്‍ഗീസിന്റെയും കൊച്ചുത്രേസ്യയുടെയും മകനാണ്. ന്യൂ സൗത്ത് വെയ്ല്‍സിലെ പോര്‍ട്ട് മക്വറിയിലെ ആശുപത്രിയില്‍ നഴ്‌സായി ജോലി ചെയ്യുകയായിരുന്നു.
ഭാര്യ സൗമ്യ വര്‍ഗീസ് പോര്‍ട്ട് മക്വറിയില്‍ നഴ്‌സിംഗ് ഹോം ജീവനക്കാരിയാണ്. ഒരു മകനുണ്ട്. മെല്‍വിന്‍ വര്‍ഗീസ് (ദോഹ), മോഘ വര്‍ഗീസ് (അയര്‍ലണ്ട്) സഹോദരങ്ങളാണ്. പോര്‍ട്ട് മക്വറി ബെയ്‌സ് ഹോസ്പിറ്റലില്‍ സൂക്ഷിച്ചിട്ടുള്ള മൃതദേഹം നാട്ടിലെത്തിക്കാനുള്ള ശ്രമങ്ങള്‍ നടത്തുന്നതായി ബന്ധുക്കള്‍ അറിയിച്ചു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
