April 12, 2020
April 12, 2020
റിയാദ് : സൗദിയിൽ മാർച്ച് 22ന് പ്രഖ്യാപിച്ച 21 ദിവസത്തെ കർഫ്യു അനിശ്ചിത കാലത്തേക്ക് നീട്ടി. ഇന്നലെ അർധരാത്രിയോടെ 21 ദിവസത്തെ കാലയളവ് പൂർത്തിയായതോടെയാണ് കോവിഡ് പ്രതിരോധത്തിന്റെ മുൻകരുതലിനായി കർഫ്യു വീണ്ടും നീട്ടാൻ സൽമാൻ രാജാവ് ഉത്തരവിട്ടത്.ആരോഗ്യ മന്ത്രാലയം ഉള്‍പ്പെടെ വിവിധ മന്ത്രാലയങ്ങളുടെ ശുപാര്‍ശ അനുസരിച്ചാണ് തീരുമാനം. കോവിഡ് 19 പ്രതിരോധം പൂര്‍ണമായെന്ന് ബോധ്യമാകുന്ന മുറക്കേ ഇനി കര്‍ഫ്യൂ പിന്‍വലിക്കൂ. ഇതോടെ രാജ്യത്ത് നിന്നുള്ള വിമാന സര്‍വീസുകളും വൈകും.
നിലവില്‍ വിവിധ രാജ്യങ്ങളിൽ കുടുങ്ങിയ പൗരന്മാരെ രാജ്യത്ത് തിരിച്ചെത്തിക്കാന്‍ വിദേശത്തു നിന്നും സൌദി എയര്‍ലൈന്‍സ് സര്‍വീസ് നടത്തുന്നുണ്ട്. കര്‍ഫ്യൂ അനിശ്ചിതമായി നീളുന്നതിനാല്‍ വിമാന സര്‍വീസും വൈകിയേക്കുമെന്നാണ് സൂചന. അങ്ങനെ വന്നാൽ സൗദിയിലുള്ള പ്രവാസി ഇന്ത്യക്കാരുടെ നാട്ടിലേക്കുള്ള മടക്കയാത്രയും അനിശ്ചിതമായി നീളും.
സൗദിയിൽ ഇതുവരെ 52 പേരാണ് കോവിഡ് ബാധിച്ച് മരിച്ചത്.രോഗബാധിതരുടെ എണ്ണവും നാലായിരം കടന്നിട്ടുണ്ട്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
