July 25, 2020
July 25, 2020
റിയാദ് : കൊല്ലം തേവലക്കര സ്വദേശി ഗോപാലകൃഷ്ണന് (55) സൗദിയിലെ ഹഫര് അല്ബാത്വിനിലെ താമസസ്ഥലത്ത് തൂങ്ങി മരിച്ചു. കോവിഡ് ബാധ ഭയന്നാണ് ഇയാൾ ജീവനൊടുക്കിയതിന്നാണ് സൂചന. കുറച്ച് ദിവസമായി ഇദ്ദേഹത്തിന് നല്ല പനിയുണ്ടായിരുന്നതായി സുഹൃത്തുക്കൾ പറഞ്ഞു.ഇതുമൂലം കടുത്ത മാനസിക സംഘർഷത്തിലായിരുന്നുവെന്നും സുഹൃത്തുക്കൾ വ്യക്തമാക്കി.
വെള്ളിയാഴ്ച രാവിലെ സുഹൃത്തിനെ പ്രഭാത ഭക്ഷണം വാങ്ങാന് അയച്ച ശേഷം ജീവനൊടുക്കുകയായിരുന്നു. പൊലീസ് എത്തി പ്രാഥമിക നടപടികള് പൂർത്തിയാക്കി മൃതദേഹം ഹഫറിലെ കിങ് ഖാലിദ് ആശുപത്രി മോര്ച്ചറിയിലേക്ക് മാറ്റി. 30 വര്ഷമായി ഇദ്ദേഹം കുടിവെള്ള വിതരണം നടത്തുന്ന വാഹനത്തിൽ ഡ്രൈവറായിരുന്നു.
ഭാര്യ: സീമ, മക്കള്: ആദിത്യന്, അര്ച്ചന.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക