February 13, 2021
February 13, 2021
മെന്ലോ പാര്ക്ക്, കാലിഫോര്ണിയ: വാട്ട്സ്ആപ്പ് അക്കൗണ്ടില് നിന്ന് ഉപഭോക്താക്കള്ക്ക് ലോഗ്ഔട്ട് ചെയ്യാന് കഴിയുന്ന ഫീച്ചര് വാട്ട്സ്ആപ്പ് പരീക്ഷിക്കുന്നതായി റിപ്പോര്ട്ട്. വാട്ട്സ്ആപ്പിന്റെ ബീറ്റ അപ്ഡേറ്റായ 2.21.30.16 ല് ലോഗ്ഔട്ട് ഫീച്ചര് ഉള്പ്പെടുത്തിയിട്ടുണ്ടെന്നാണ് വിവരം.
സാധാരണ വാട്ട്സ്ആപ്പിലും വാട്ട്സ്ആപ്പ് ബിസിനസിലും ഈ ഫീച്ചര് പരീക്ഷിക്കുന്നുണ്ട്. ഈ ഫീച്ചര് ഉപയോഗിക്കുന്നതോടെ ഉപഭോക്താക്കള്ക്ക് തങ്ങളുടെ അക്കൗണ്ട് ഡിലീറ്റ് ചെയ്യുകയോ ആപ്പ് അണ്ഇന്സ്റ്റാള് ചെയ്യുകയോ ചെയ്യാതെ വാട്ട്സ്ആപ്പ് താല്ക്കാലികമായി ഉപേക്ഷിക്കുകയോ മറ്റൊരു ഡിവൈസിലേക്ക് മാറുകയോ ചെയ്യാം.
വാട്ട്സ്ആപ്പിന്റെ ഫീച്ചറുകള് നിരീക്ഷിക്കുന്ന ഡബ്ല്യുഎബീറ്റഇന്ഫോ എന്ന വെബ്സൈറ്റാണ് ഇക്കാര്യം റിപ്പോര്ട്ട് ചെയ്തത്. ഇത്രയും കാലം ഉപഭോക്താക്കള്ക്ക് വാട്ട്സ്ആപ്പ് അണ്ഇന്സ്റ്റാള് ചെയ്യുകയോ അക്കൗണ്ട് ഡിലീറ്റ് ചെയ്യുകയോ ചെയ്താല് മാത്രമേ മറ്റൊരു ഡിവൈസില് വാട്ട്സ്ആപ്പ് ഉപയോഗിക്കാന് കഴിഞ്ഞിരുന്നുള്ളൂ. ആപ്പ് അണ്ഇന്സ്റ്റാള് ചെയ്യുമ്പോള് ബാക്ക്അപ്പ് ചെയ്തില്ലെങ്കില് വിവരങ്ങള് നഷ്ടമാകാനുള്ള സാധ്യത ഉണ്ടായിരുന്നു. പുതിയ ഫീച്ചര് എത്തുന്നതോടെ ഇത്തരം പ്രശ്നങ്ങള് ഇല്ലാതാകുമെന്നാണ് കരുതപ്പെടുന്നത്.
വാട്ട്സ്ആപ്പിലെ സെറ്റിങ്സില് ഡിലീറ്റ് മൈ അക്കൗണ്ട് എന്ന ഓപ്ഷന് പകരമായാണ് ലോഗ്ഔട്ട് ഓപ്ഷന് ബീറ്റ വെര്ഷനില് ഉള്പ്പെടുത്തിയിരിക്കുന്നത്. എന്നാല് ഇതില് മാറ്റം വരുത്തിയേക്കാമെന്നും റിപ്പോര്ട്ട് ഉണ്ട്. ലോഗ്ഔട്ട് ഓപ്ഷന് തെരഞ്ഞെടുത്താല് അത് ഒന്നു കൂടി സ്ഥിരീകരിക്കാനുള്ള ഓപ്ഷനാണ് കാണിക്കുക. ഇത് സ്ഥിരീകരിച്ചാല് വാട്ട്സ്ആപ്പ് ഇന്സ്റ്റാള് ചെയ്ത് ആദ്യമായി തുറക്കുമ്പോഴുള്ള സ്ക്രീനിലേക്കാണ് എത്തുക.
വാട്ട്സ്ആപ്പ് ലോഗ്ഔട്ട് ഫീച്ചര് പരീക്ഷിക്കുന്നതിന്റെ വീഡിയോ പുറത്തുവന്നിട്ടുണ്ട്. ഐ.ഒ.എസിലെ ലോഗ്ഔട്ട് സംവിധാനത്തിന്റെ വീഡിയോ ആണ് പുറത്തുവന്നത്. എന്നാല് പുതിയ ഫീച്ചര് ആന്ഡ്രോയിഡിലും ലഭ്യമാകുമെന്നാണ് പുറത്തു വരുന്ന വിവരം.
ഒന്നിലേറെ ഡിവൈസുകളില് വാട്ട്സ്ആപ്പ് ഉപയോഗിക്കാന് കഴിയുന്ന ഫീച്ചര് കൊണ്ടുവരുന്നതിന്റെ ഭാഗമായാണ് ലോഗ്ഔട്ട് ഫീച്ചര് അവതരിപ്പിക്കുന്നത് എന്നാണ് റിപ്പോര്ട്ട്. രണ്ട് തരത്തിലാണ് ഇത് നടപ്പിലാക്കുക; ഒന്ന് വാട്ട്സ്ആപ്പ് വെബ്ബിനും മറ്റൊന്ന് വ്യത്യസ്ത ഡിവൈസുകളിലും.
പുതിയ ഫീച്ചര് എത്തുന്നതോടെ വാട്ട്സ്ആപ്പ് വെബ്ബ് ഉപയോഗിക്കാന് വാട്ട്സ്ആപ്പ് ഉപയോഗിക്കുന്ന ഫോണിന് ഇന്റര്നെറ്റ് കണക്ഷന് വേണമെന്ന നിബന്ധന ഇല്ലാതാകും.
നാല് വ്യത്യസ്ത ഡിവൈസുകളില് വരെ ഒരേ നമ്പറിലുള്ള വാട്ട്സ്ആപ്പ് അക്കൗണ്ട് ഉപയോഗിക്കാന് പുതിയ ഫീച്ചറിലൂടെ കഴിയും. ഈ ഫീച്ചറിലും പ്രധാനമായി വാട്ട്സ്ആപ്പ് ഉപയോഗിക്കുന്ന ഫോണിന് ഇന്റര്നെറ്റ് കണക്ഷന് വേണമെന്ന് നിര്ബന്ധമില്ല. നാല് ഡിവൈസുകള് എന്ന എണ്ണത്തിന്റെ പരിധിയും ഭാവിയില് മാറിയേക്കാം എന്ന് ഡബ്ല്യുഎബീറ്റഇന്ഫോ റിപ്പോര്ട്ട് ചെയ്യുന്നു.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.