August 28, 2021
August 28, 2021
മസ്കത്ത് : ഉള്ളാള്‍ സ്വദേശികളായ രണ്ടു യുവാക്കളെ ഒമാനില്‍ കടലില്‍ കാണാതായി. ഉള്ളാള്‍ അലെകളയിലെ റിസ്വാന്‍(25), കൊടെപുരയിലെ സമീര്‍(25) എന്നിവരാണ് വെള്ളിയാഴ്ച വൈകുന്നേരം അപകടത്തില്‍ പെട്ടത്. സമീറിന്റെ മൃതദേഹം കണ്ടെത്തി.
ഒമാനില്‍ ലോക് ഡൗണ്‍ പിന്‍വലിച്ചതിന് ശേഷമുള്ള ആദ്യത്തെ അവധി ദിനമായിരുന്നു ഇത്. യുവാക്കള്‍ ജോലി ചെയ്തിരുന്ന കമ്ബനിയിലെ 18 ഓളം ജീവനക്കാര്‍ ഒരുമിച്ച്‌ ഒരു വാഹനത്തില്‍ ബീച് സന്ദര്‍ശിച്ചിരുന്നു. ഇവരില്‍ കുളിക്കുന്നതിനായി കടലില്‍ ഇറങ്ങിയവരില്‍ നാല് പേര്‍ തിരമാലകളില്‍ പെട്ട് മുങ്ങിത്താഴുകയായിരുന്നു. രണ്ടുപേരെ രക്ഷപ്പെടുത്തി. എന്നാല്‍ റിസ്‌വാനിന്റെയും സമീറിന്റെയും ജീവന്‍ രക്ഷിക്കാനായില്ല.
ഇരുവരും രണ്ടു വര്‍ഷമായി ഒമാനിലെ സമുദ്രോല്‍പ്പന്ന ഭക്ഷ്യവിഭവ ഫാക്ടറിയില്‍ ജോലിക്കാരാണ്. ഒഴിവുദിനത്തില്‍ സായാഹ്നം ചെലവഴിക്കാന്‍ ദുഖം കടല്‍ തീരത്ത് എത്തിയതായിരുന്നു.
