August 12, 2020
August 12, 2020
റിയാദ് : അഴിമതി,അധികാര ദുർവിനിയോഗം,കൈക്കൂലി തുടങ്ങിയ കുറ്റകൃത്യങ്ങൾക്ക് സൗദിയിൽ നിരവധി ഉന്നതരെ അറസ്റ്റ് ചെയ്തു.അധികാര ദുര്വിനിയോഗം നടത്തിയ കേസില് സുരക്ഷാ മേഖലയിലെ ഒരു കമാന്ഡര്, നാല് സുരക്ഷാ ഉദ്യോഗസ്ഥര്, സീപോര്ട്ട് മാനേജര് എന്നിവരെയാണ് അറസ്റ്റ് ചെയ്തത്. രാജ്യത്തെ പ്രമുഖ വ്യവസായി, നിലവിലെ ഷൂറ കൗണ്സില് അംഗം, രണ്ട് മുന് പോലീസ്, കസ്റ്റംസ് ഡയറക്ടര്മാര്, ഒരു പ്രവിശ്യ ഗവര്ണര്, രണ്ട് എയര്പോര്ട്ട് ഉദ്യോഗസ്ഥര് എന്നിവരെ കൈക്കൂലി കേസിൽ ആന്റി കറപ്ഷന് വിഭാഗമാണ് അറസ്റ്റ് ചെയ്തത്.
അടുത്ത കാലത്തായി 218 അഴിമതിക്കേസുകള് കൈകാര്യം ചെയ്തതുവെന്ന് ആന്റി കറപ്ഷന് അതോറിറ്റി ഔദ്യോഗിക വൃത്തങ്ങള് സൂചിപ്പിച്ചു. അതില് ഏറ്റവും പ്രധാനപ്പെട്ട പത്ത് കേസുകളുടെ വിശദാംശങ്ങൾ അതോറിറ്റി പുറത്തുവിട്ടിട്ടുണ്ട്. ഈ വര്ഷത്തെ ഹജ്ജ് കര്മ്മത്തിന് ആവശ്യമായ വാഹനങ്ങള് വിതരണം ചെയ്തതിന്റെ രേഖയില് കൃതിമം കാണിക്കുകയും ഇത്തരം കാര്യങ്ങള്ക്ക് രൂപീകരിക്കപ്പെട്ട സമിതിയുടെ അറിവില്ലാതെ വാഹനങ്ങള് എത്തിക്കുന്നതിന്റെ ചട്ടങ്ങളില് മാറ്റം വരുത്തുകയും ചെയ്ത കേസിലാണ് മേജര് ജനറല് പദവിയുള്ള സുരക്ഷാ വിഭാഗം കമാന്ഡര്, അദ്ദേഹത്തിന്റെ കീഴിലുള്ള നാല് ഉദ്യോഗസ്ഥര്, ധനമന്ത്രാലയത്തിന്റെ സാമ്പത്തിക പ്രതിനിധി എന്നിവരെ അറസ്റ്റ് ചെയ്തത്.
ന്യൂസ്റൂം വാർത്തകൾക്കുള്ള ഗ്രൂപ്പുകളിൽ ചേരാൻ +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.