March 18, 2021
March 18, 2021
റിയാദ്: കൊറോണ വൈറസിനെതിരായ വാക്സിന് ലഭിക്കാനായുള്ള അപ്പോയിന്റ്മെന്റുകള് വില്ക്കുന്ന വെബ്സൈറ്റുകള്ക്കെതിരെ പൗരന്മാര്ക്കും താമസക്കാര്ക്കും മുന്നറിയിപ്പ് നല്കി സൗദി ആരോഗ്യ മന്ത്രാലയം. ഇത്തരത്തില് വാക്സിന് അപ്പോയിന്റ്മെന്റുകള് വില്ക്കുന്നതുമായി ബന്ധപ്പെട്ട പരസ്യങ്ങള് വിവിധ മാധ്യമങ്ങളില് പ്രസിദ്ധീകരിക്കുന്നവര്ക്കെതിരെ കര്ശനമായ ശിക്ഷാ നടപടി സ്വീകരിക്കുമെന്നും ആരോഗ്യ വകുപ്പ് മുന്നറിയിപ്പ് നല്കി.
വാക്സിന് ലഭിക്കാനുള്ള അപ്പോയിന്റ്മെന്റുകള് ബുക്ക് ചെയ്യാനുള്ള സര്ക്കാര് അംഗീകൃത ഓണ്ലൈന് പ്ലാറ്റ്ഫോമുകള് ഇല്ല എന്ന് മന്ത്രാലയം വ്യക്തമാക്കി. നിലവില് സൗദി ആരോഗ്യ മന്ത്രാലയത്തിന്റെ സെഹതി മൊബൈല് ആപ്പ് വഴി മാത്രമാണ് അപ്പോയിന്റ്മെന്റുകള് ബുക്ക് ചെയ്യാന് കഴിയുകയെന്നും മന്ത്രാലയം പ്രസ്താവനയില് പറഞ്ഞു.
സെഹതി ആപ്പില് പേര് രജിസ്റ്റര് ചെയ്തിട്ടുള്ള പൗരന്മാര്ക്കും പ്രവാസികള്ക്കും ലഭ്യമായ തിയ്യതികളില് അടുത്തുള്ള വാക്സിനേഷന് കേന്ദ്രത്തിലെ അപ്പോയിന്റ്മെന്റുകള് നേരിട്ട് ബുക്ക് ചെയ്യാന് കഴിയുമെന്ന് ആരോഗ്യ മന്ത്രാലയം നേരത്തേ അറിയിച്ചിരുന്നു. http://onelink.to/yjc3nj എന്ന ലിങ്ക് ഉപയോഗിച്ച് സെഹതി ആപ്പില് വാക്സിനേഷനായുള്ള അപ്പോയിന്റ്മെന്റ് ബുക്ക് ചെയ്യാന് കഴിയും.
ചൊവ്വാഴ്ച വരെ സൗദി അറേബ്യയില് 23 ലക്ഷം ഡോസ് വാക്സിന് നല്കിയെന്നും മന്ത്രാലയം അറിയിച്ചു.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.